ଶ୍ରୀନଗର : ଆତଙ୍କବାଦୀମାନେ ରବିବାର ଜାମ୍ମୁ କାଶ୍ମୀର ରାଜଧାନୀ ଶ୍ରୀନଗରର ଜବାହରନଗର ଅଞ୍ଚଳର ଜଣେ କଂଗ୍ରେସ ନେତାଙ୍କ ଘରୁ ୪ଟି ଏକେ-୪୭ ରାଇଫଲ ଲୁଟି ନେଇଛନ୍ତି। ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ହାଇ ଆଲର୍ଟ ଜାରି କରାଯାଇଛି। ପୁଲିସ୍ ପକ୍ଷରୁ କୁହାଯାଇଛି ଯେ ରବିବାର ଅପରାହ୍ଣରେ କେତେକ ଆତଙ୍କବାଦୀ ଶ୍ରୀନଗର ଏମ୍ଏଲସି ମୁଜଫର ଅହମଦଙ୍କ ଘରେ ପଶିଯାଇଥିଲେ। ସେଠାରେ ସୁରକ୍ଷାରେ ମୁତୟନ ପୁଲିସ୍ଙ୍କ ୪ଟି ଏକେ-୪୭ ରାଇଫଲ ନେଇ ଆତଙ୍କବାଦୀମାନେ ଫେରାର ହୋଇଯାଇଥିଲେ। ଜାମ୍ମୁ କାଶ୍ମୀର ପୁଲିସ୍ ଓ ସେନା ସ୍ଥାନୀୟ ଅଞ୍ଚଳକୁ ଘେରାବନ୍ଦୀ କରି ତଲାସୀ ଅଭିଯାନ ଆରମ୍ଭ କରିଛନ୍ତି। କଶ୍ମୀର ରେଞ୍ଜ ପୁଲିସ୍ ଆଇଜି ଏସ୍.ପି ପାଣି କହିଛନ୍ତି ଯେ କଂଗ୍ରେସ ନେତାଙ୍କ ଘରେ ମୁତୟନ ସୁରକ୍ଷା କର୍ମୀଙ୍କ ୪ଟି ରାଇଫଲ ମିଳୁନାହିଁ।
