ପୂର୍ବତନ ପ୍ରଧାନମନ୍ତ୍ରୀ ଦେବେଗୌଡ଼ାଙ୍କୁ ଭଲଭୋ କାର୍ ଦେଲେ ୟେଦୁରପ୍ପା ସରକାର

ପୂର୍ବତନ ପ୍ରଧାନମନ୍ତ୍ରୀ ତଥା ରାଜ୍ୟସଭା ସଦସ୍ୟ ଦେବେଗୌଡ଼ାଙ୍କୁ କର୍ଣ୍ଣାଟକ ସରକାର ଦେଇଛନ୍ତି ଏକ ବିଳାସପୂର୍ଣ୍ଣ ଭଲଭୋ କାର୍ । କର୍ଣ୍ଣାଟକର କୌଣସି ଲୋକ ପ୍ରତିନିଧିଙ୍କୁ ରାଜ୍ୟ ସରକାରଙ୍କ ପକ୍ଷରୁ ଦିଆଯାଇଥିବା ବାହନ ମଧ୍ୟରେ ଏହା ସବୁଠୁ ମହଙ୍ଗା ।

କର୍ଣାଟକ ସରକାରଙ୍କ ନିୟମ ଅନୁସାରେ କ୍ୟାବିନେଟ ମନ୍ତ୍ରୀ, ଲୋକସଭା ଓ ରାଜ୍ୟସଭା ସଦସ୍ୟଙ୍କୁ ସର୍ବାଧିକ ୨୨ ଲକ୍ଷ ଟଙ୍କା ମୂଲ୍ୟର ଗାଡ଼ି ଦିଆଯିବାର ବ୍ୟବସ୍ଥା ରହିଛି । ସେହିପରି ବୋର୍ଡ଼ ଓ କର୍ପୋରେସନ ଅଧ୍ୟକ୍ଷ ପରି ପଦ ପାଇଁ ୧୧ ଲକ୍ଷ ଟଙ୍କା ପର୍ଯ୍ୟନ୍ତ ଗାଡ଼ି କିଣାଯାଇ ପାରିବ । ​‌ତେବେ ମୁଖ୍ୟମନ୍ତ୍ରୀଙ୍କ ଗାଡ଼ି ପାଇଁ ସେପରି କିଛି ସୀମା ନାହିଁ । ପୂର୍ବତନ ପ୍ରଧାନମନ୍ତ୍ରୀଙ୍କ ନିମନ୍ତେ ଏହି ନିୟମରେ ପରିବର୍ତନ କରାଯାଇଛି ଏବଂ ଭଲଭୋ ଏକ୍ସସି ୬୦ ଗାଡ଼ି କିଣାଯାଇଛି । ଯାହାର ମୂଲ୍ୟ ୭୬ ଲକ୍ଷ ଟଙ୍କା । ମୁଖ୍ୟମନ୍ତ୍ରୀ ୟେଦୁରପ୍ପା ବିଶେଷ ଭାବରେ ଏଥିପାଇଁ ଅନୁମତି ଦେଇଛନ୍ତି । ଟିକସ ଛାଡ଼ ପରେ ଗାଡ଼ିର ମୂଲ୍ୟ ୬୦ ଲକ୍ଷ ଟଙ୍କା ପଡ଼ିଛି । ଗାଡ଼ିଟି ରାଜ୍ୟର ମୁଖ୍ୟ ସଚିବଙ୍କ ନାମରେ ପଞ୍ଜିକୃତ ହୋଇଛି ।

ବର୍ତମାନ କର୍ଣାଟକର ମନ୍ତ୍ରୀମାନେ ଇନୋଭା କ୍ରେଷ୍ଟା ବ୍ୟବହାର କରୁଥିବାବେଳେ ମୁଖ୍ୟମନ୍ତ୍ରୀ ଓ ବିରୋଧୀ ଦଳ ନେତାଙ୍କୁ ଟୟୋଟା ଫର୍ଚ୍ୟୁନର ବ୍ୟବହାର ଲାଗି ମିଳିଛି ।

Comments
Loading...