ନିଶ୍ଚୟ ଖାଆନ୍ତୁ ଏହି ଖାଦ୍ୟ

ଶରୀରକୁ ସୁସ୍ଥ ରଖିବା ପାଇଁ ପୁଷ୍ଟିକର ଖାଦ୍ୟ ସେବନ କରିବା ନିତାନ୍ତ ଆବଶ୍ୟକ। ଏହାସହ କେଉଁ ସମୟରେ କି କି ଖାଦ୍ୟ ଖାଇବେ ଏହା ଜାଣିବା ମଧ୍ୟ ଆବଶ୍ୟକ।
ସକାଳର ଜଳଖିଆରେ ଡ୍ରାଏ ଫ୍ରୁଟ୍ସ ଖାଇବା ମଧ୍ୟ ହିତକାରକ। ଏହା କେବଳ ପାଚନ ତନ୍ତ୍ରକୁ ସୁସ୍ଥ କରିଥାଏ ତାହା ନୁହେଁ ବରଂ ଏହାର ଅନେକ ଲାଭ ରହିଛି। ଦୈନିକ ଭାବେ ଆପଣ କିସମିସ, ବାଦାମ,କାଜୁ, ପିସ୍ତା ବାଦାମ, ବାଦାମ ଖାଇପାରିବେ। ମାତ୍ର ଏହାକୁ କମ ମାତ୍ରାରେ ଖାଆନ୍ତୁ।
ବିଭିନ୍ନ ପ୍ରକାର ଡ଼୍ରାଏ ଫ୍ରୁଟ୍ସ ଖାଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ବୃଦ୍ଧି ହୋଇଥାଏ। ଶରୀର ଠାରୁ ଅନେକ ରୋଗକୁ ଦୂରରେ ରଖେ। ଶରୀର ସୁସ୍ଥ ରହିଥାଏ।
କଦଳୀରେ ପୋଟାସିୟମ, ଫାଇବର ଏବଂ ମାଗ୍ନେସିୟମ ପ୍ରଚୁର ପରିମାଣରେ ରହିଛି। ମାତ୍ର ଏଥିରେ ଏସିଡିକ (ଅମ୍ଳଯୁକ୍ତ) ରହିଛି। ବିଶେଷଜ୍ଞଙ୍କ ମତରେ ଖାଲି ପେଟରେ ଅମ୍ଳଯୁକ୍ତ ଖାଦ୍ୟ ଖାଇବା ସ୍ୱାସ୍ଥ୍ୟ ପାଇଁ କ୍ଷତିକାରକ। ଏହା ହଜମ ପ୍ରକ୍ରିୟାରେ ସମସ୍ୟା ସୃଷ୍ଟି କରିଥାଏ। ତେଣୁ ଖାଲି ପେଟରେ କଦଳୀ ଖାଇବା ଉଚିତ ନୁହେଁ।
ରୁଟି –
ଅଟାରେ ରୁଟି ପ୍ରସ୍ତୁତ ହୋଇଥିବାରୁ ଏହାକୁ ମଧ୍ୟ ଖାଲି ପେଟରେ ଖାଇ ପାରିବେ। ଏହା ଦ୍ୱାରା ଶରୀର ସୁସ୍ଥ ରହିବା ସହ ହଜମ କ୍ରିୟାକୁ ମଧ୍ୟ ସଠିକ୍‍ ରଖିଥାଏ। ମାତ୍ର ଖାଲି ପେଟରେ ମଇଦାରେ ପ୍ରସ୍ତୁତ ଖାଦ୍ୟ ଖାଆନ୍ତୁ ନାହିଁ।
ଗଜାମୁଗ ବା ଗଜାବୁଟ –
ଏଥିରେ ଅଧିକ ପରିମାଣରେ ପ୍ରୋଟିନ, କ୍ୟାଲସିୟମ ଆଦି ରହିଛି। ଏହାକୁ ସକାଳେ ଦାନ୍ତ ଘଷିବା ପରେ ଖାଲି ପେଟରେ ଖାଇବା ଦ୍ୱାରା ଏହା ସ୍ୱାସ୍ଥ୍ୟ ପାଇଁ ଲାଭଦାୟକ ଅଟେ। ଏହା ହାଡ଼କୁ ସୁସ୍ଥ ରଖେ ଓ ହାଡ ଜନିତ ରୋଗରୁ ମଧ୍ୟ ମୁକ୍ତି ମିଳିଥାଏ।
ଡ଼୍ରାଏ ଫ୍ରୁଟ୍ସ –
ଚଣା – ଚଣା ଖାଇବା ଦ୍ୱାରା ଦିନଯାକ କାର୍ୟ୍ୟ କରିବାକୁ ଶକ୍ତି ମିଳିଥାଏ। ହାଲିଆ ଅନୁଭବ ହୋଇନଥାଏ।
ସାଲାଡ଼ – ସାଲାଡ଼ ଖାଇବା ସ୍ୱାସ୍ଥ୍ୟ ପାଇଁ ବେଶ ହିତକାରକ। ଏହା ଶରୀରକୁ ଆବଶ୍ୟକ ପରିମାଣରେ ପୋଷକ ତତ୍ୱ ଯୋଗାଇଥାଏ।
ଜୁସ – ଚା’ ଓ କଫି ପିଇବା ପରିବର୍ତେ ଆପଣ ଜୁସ ପିଇପାରିବେ। ଏହା ଦ୍ୱାରା ଶରୀରକୁ ଭରପୁର ମାତ୍ରାରେ ଭିଟାମିନ ମିଳିବା ସହ ଶରୀରକୁ ସୁସ୍ଥ ରଖିବା ପାଇଁ ବେଶ ସହାୟକ ହୋଇଥାଏ।
ଫଳ – ବିଭିନ୍ନ ପ୍ରକାର ଫଳରେ ଭିନ୍ନ ଭିନ୍ନ ଭିଟାମିନ ରହିଛି। ତେଣୁ ଭୋକ ସମୟରେ ହେଉ ଅଥବା ଅନ୍ୟ ସମୟ ଫଳ ଖାଇବା ଦ୍ୱାରା ଶରୀର ସୁସ୍ଥ ରହିଥାଏ। ଶରୀରରେ ରକ୍ତର ଅଭାବ ଦୂର ହୋଇଥାଏ।
ଦହି – ସପ୍ତାହକୁ ୨ କିମ୍ବା ୩ ଥର ନିଶ୍ଚୟ ଦହି ପିଅନ୍ତୁ। ଏହା ଦ୍ୱାରା ପେଟ ଥଣ୍ଡା ହେବା ସହ ଶରୀରରେ ଜଳୀୟଅଂଶର ଅଭାବ ହୋଇନଥାଏ।

Comments are closed.