ଛାତ କୋଣରେ ଲଗାନ୍ତୁ ଫୁଲଗଛ : ଗୃହରେ ସର୍ବଦା ରହିଥାଏ ସୁଖଶାନ୍ତିର ବାତାବରଣ

ଘରର ନିକଟରେ ଗର୍ତ୍ତ ରହିଥିଲେ ଏହାକୁ ତୁରନ୍ତ ପୋତିବା ଉଚିତ। ନଚେତ ପରିବାରର ସଦସ୍ୟ ମାନସିକ ରୋଗରେ ଆକ୍ରାନ୍ତ ହୋଇଥାଆନ୍ତି।
ଦୁଆର ପାଖରେ କିମ୍ବା ସମ୍ମୁଖରେ କଣ୍ଟା ଗଛ ଥିଲେ ମଧ୍ୟ ପରିବାରର ସଦସ୍ୟଙ୍କ ସ୍ୱାସ୍ଥ୍ୟ ଉପରେ ଏହାର ପ୍ରତିକୂଳ ପ୍ରଭାବ ପଡ଼ିଥାଏ। ପରିବାର ସଦସ୍ୟମାନେ ସବୁବେଳେ ରୋଗାକ୍ରାନ୍ତ ହୋଇଥାନ୍ତି। ଜମିର ଚତୁଃପାଶ୍ୱର୍ରେ କିଛି ସ୍ଥାନ ଛାଡ଼ି ଘର ତିଆରି କରିବା ଉଚିତ। ଏହି ଖାଲି ସ୍ଥାନରେ ଗଛ ଲଗାଇଲେ, ଗୃହରେ ନକରାତ୍ମକ ଶକ୍ତି ପ୍ରବେଶ କରି ନଥାଏ।
ଛାତ ଉପରେ ଯେକୌଣସି ଗୋଟିଏ କୋଣରେ ଫୁଲ ଗଛ ଲଗାଇବା ଉଚିତ। ଏହା ଦ୍ୱାରା ଗୃହରେ ସର୍ବଦା ସୁଖଶାନ୍ତିର ବାତାବରଣ ରହିଥାଏ।
ଗୃହର ଅଗଣାରେ ସର୍ବଦା ତୁଳସୀଗଛ ଲଗାଇବା ସହ ଏଥିରେ ନିୟମିତ ଜଳ ଅର୍ପଣ କରିବା ଦ୍ୱାରା ଗୃହର ସଦସ୍ୟଙ୍କ ଶରୀର ସୁସ୍ଥ ରହିଥାଏ।
ଘରର ମୁଖ୍ୟ କବାଟ ସମ୍ମୁୁଖରେ ହଳଦୀ ରଙ୍ଗର ପରଦା ଲଗାଇଲେ ଘରେ ସକାରାତ୍ମକ ବାତାବରଣ ସୃଷ୍ଟି ହୁଏ।
କିଛି ଲୋକେ ଘରକୁ ସଫାସୁତୁରା ରଖନ୍ତି ମାତ୍ର ଘରର ଛାତକୁ ସଫା କରନ୍ତି ନାହିଁ। ବାସ୍ତୁ ଅନୁଯାୟୀ ଛାତରେ ଆଦୌ ଅସନା ଅପରିଷ୍କାର ରଖନ୍ତୁ ନାହିଁ। ଏହାକୁ ନିୟମିତ ସଫା କରନ୍ତୁ। ଛାତ ଅପରିଷ୍କାର ହେଲେ ମାନସିକ ଅଶାନ୍ତି ଲାଗି ରହେ।
ଧନ ସଂଚୟ ପାଇଁ ଧନ ରଖିବାର ଦିଗ ଉପରେ ବିଶେଷ ଗୁରୁତ୍ୱ ଦିଅନ୍ତୁ। ଯଦି ଧନକୁ ସଠିକ ଦିଗରେ ରଖାଯାଏ ତେବେ ଖୁବ ଲାଭ ମିଳିଥାଏ। ତେଣୁ ଆଲମିରାକୁ ବାସ୍ତୁ ଅନୁଯାୟୀ ସଠିକ ସ୍ଥାନରେ ରଖନ୍ତୁ। ଏହି ସ୍ଥାନକୁ ଭଲ ଭାବେ ସଫା ରଖନ୍ତୁ।
ଘରର ସାଜସଜ୍ଜାର କୌଣସି ଜଳ ଜାତୀୟ ଜିନିଷ ଥିଲେ, ଏହାକୁ ଉତ୍ତର ଦିଗରେ ରଖନ୍ତୁ। ଏହି ଉତ୍ତର ଦିଗକୁ କୁବେରଙ୍କ ଦିଗ ବୋଲି କୁହାଯାଏ।
ଘରର କଳରୁ ପାଣି ପଡ଼ିବା ମଧ୍ୟ ଅନୁଚିତ। ଏପରି ହେବା ଦ୍ୱାରା ଘରରେ ଅଯଥାରେ ଧନ ଖର୍ଚ୍ଚ ହୋଇଥାଏ।

Comments
Loading...