ହୀରାକୁଦରେ କମୁଛି ଜଳସ୍ତର , ଯାଜପୁର ବରୀ ବ୍ଲକକୁ ଦିଆଯାଇଛି ସ୍ୱତନ୍ତ୍ର ଧ୍ୟାନ ; ଏସଆରସି

ଭୁବନେଶ୍ୱର : ଆଜି ଭୋରରୁ ହୀରାକୁଦରେ ଜଳ ପ୍ରବେଶ କମିବା ଆରମ୍ଭ କରିଛି। ହୀରାକୁଦରେ ଜଳ ପ୍ରବେଶ ଆଗକୁ ଆହୁରି କମିବା ଆଶା କରାଯାଉଛି। ମୁଣ୍ଡୁଳିରେ ସର୍ବାଧିକ ୧୦ ଲକ୍ଷ କ୍ୟୁସେକ ଜଳ ପ୍ରବାହିତ ହେବ, କାଲି ମଧ୍ୟାନ୍ନ ପର୍ଯ୍ୟନ୍ତ ମୁଣ୍ଡୁଳିରେ ସର୍ବାଧିକ ଜଳ ପ୍ରବାହିତ ହେବ।
ଏହାସହ ବୈତରଣୀ ଓ ବ୍ରାହ୍ମଣୀ ନଦୀ ଜଳସ୍ତର ହ୍ରାସ ପାଉଛି, ପାଗ ଶୁଖିଲା ଏବଂ ବର୍ଷା ହେଉନଥିବାରୁ ନଦୀରେ ଜଳସ୍ତର କମୁଛି। ଏନେଇ ଟ୍ୱିଟ ଯୋଗେ ସ୍ୱତନ୍ତ୍ର ରିଲିଫ କମିଶନର ପ୍ରଦୀପ ଜେନା ସୂଚନା ଦେଇଥିବା ଜଣାପଡ଼ିଛି।
ବନ୍ୟା ପ୍ରବାହିତ ସମସ୍ତ ବ୍ଲକରେ ରିଲିଫ କାର୍ଯ୍ୟ ଆରମ୍ଭ ହୋଇଛି। ଯାଜପୁର ବରୀ ବ୍ଲକକୁ ସ୍ୱତନ୍ତ୍ର ଧ୍ୟାନ ଦିଆଯାଇଛି। ବରୀରେ ଉଦ୍ଧାର କାର୍ଯ୍ୟ ଓ ରିଲିଫ କାର୍ଯ୍ୟ ପାଇଁ ୧୭ ଜଣ ଅଧିକାରୀ ରହିଛନ୍ତି।
ବର୍ତ୍ତମାନ ହୀରାକୁଦ ଡ଼୍ୟାମରୁ ୪୬ଟି ଗେଟ ଦେଇ ଜଳ ନିଷ୍କାସନ ଚାଲୁଥିବା ବେଳେ ଜଳ ଧାରଣର କ୍ଷମତା ୬୩୦ ଫୁଟ ରହିଛି। ଏବେ ଜଳ ପତ୍ତନ ୬୨୭.୯୫ । ଡ଼୍ୟାମକୁ ସେକେଣ୍ଡ ପ୍ରତି ୮ଲକ୍ଷ ୨୮ ହଜାର ୫୬୯ କ୍ୟୁସେକ ଜଳ ପ୍ରବେଶ କରୁଛି। ଏହାସହ ଡ଼୍ୟାମରୁ ୭ ଲକ୍ଷ ୬୫ ହଜାର ୪୦ କ୍ୟୁସେକ ଜଳ ନିଷ୍କାସନ ହେଉଛି।

Comments are closed.