ନୀଳଗିରି: ଘରେ ପରିବାର ଲୋକେ ଶୋଇଥିବା ବେଳେ ହଠାତ ନିଆଁ ଲାଗିଗଲା। ଗୋଟେ ପରେ ଗୋଟେ ୫ଟା ଗ୍ୟାସ ଟାଙ୍କି ଫାଟିବାରୁ ୬ବଖରା ଘର ଜଳି ପାଉଁଶ ହୋଇଯାଇଛି। ଏଭଳି ଭୟାବହ ଅଘଟଣ ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ନୀଳଗିରି ଏନଏସିର ସୀମାନ୍ତ ଆମ୍ବୁଡ଼ିହା ଅଞ୍ଚଳରେ। ହେନ୍ତସୁରା ଗାଁର ବିଜୟ ମଲ୍ଲିକ, ସୁଶାନ୍ତ ମଲ୍ଲିକ ଓ ଅରୁଣ ମଲ୍ଲିକଙ୍କ ପରିବାର ଶୁକ୍ରବାର ରାତିରେ ଶୋଇଥିବା ବେଳେ ହଠାତ ଘରେ ନିଆଁ ଲାଗି ଯାଇଥିଲା। ଉତ୍ତାପ ପାଇ ପରିବାର ଲୋକେ ପିଲାଛୁଆଙ୍କୁ ଧରି ଭୟରେ ବାହାରକୁ ଦୌଡ଼ି ପଳାଇ ଆସିଥିଲେ। ତେବେ ସେମାନଙ୍କ ରୋଷେଇ ଘର ଭିତରେ ଥିବା ୫ଟି ଗ୍ୟାସ ଟାଙ୍କି ଗୋଟେ ପରେ ଗୋଟେ ଫାଟିଥିଲା।
ନୀଳଗିରି ଅଗ୍ନିଶମ ବିଭାଗର କର୍ମଚାରୀ ରାତି ସାରା ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ ହେଁ ଶନିବାର ସକାଳୁ ଏହାକୁ ଆୟତ୍ତ କରାଯାଇଛି। ଏହି ଭୟାବହ ଅଗ୍ନିକାଣ୍ଡରେ ଘରେ ଥିବା ବାଇକ, ଟଙ୍କା ପଇସା, ଚାଉଳ, ଷ୍ଟାମ୍ପ ପେପର ସହ ଲକ୍ଷାଧିକ ଟଙ୍କାର ଅସବାଵପତ୍ର ପୋଡ଼ି ପାଉଁଶ ହୋଇଯାଇଛି। ଜଳି ଯାଇଥିବା ୬ବଖରା ଘରୁ କୌଣସି ସାମଗ୍ରୀ ଉଦ୍ଧାର କରାଯାଇ ପାରିନି। ରେମୁଣା ବ୍ଲକ ରାଜସ୍ବ ବିଭାଗ ପକ୍ଷରୁ ତୁରନ୍ତ ଏହି ବିପନ୍ନ ପରିବାରକୁ ସରକାରୀ ସହାୟତା ଯୋଗାଇଦେବାକୁ ଅଞ୍ଚଳବାସୀ ଦାବି କରିଛନ୍ତି।
Comments are closed.