କୂଳ ଲଙ୍ଘୁଛି ସମୁଦ୍ର, ଆତଙ୍କିତ ମତ୍ସ୍ୟଜୀବୀ

0

ବ୍ରହ୍ମପୁର: ଲଘୁଚାପର ପ୍ରଭାବରେ କିଛିଦିନ ଧରି ବର୍ଷା ଲାଗିରହିଥିବା ବେଳେ ସମୁଦ୍ର ମଧ୍ୟ ଅଶାନ୍ତ ହୋଇପଡ଼ିଛି । ସମୁଦ୍ର ମଧ୍ୟକୁ ମାଛମାରିବା ପାଇଁ ମତ୍ସ୍ୟଜିବୀ ମାନଙ୍କୁ ବାରଣ କରାଯାଇଛି । ଏଣୁ ମତ୍ସ୍ୟଜିବୀମାନେ ହାତବାନ୍ଧି ଘରେ ବସି ରହିଥିବା ବେଳେ ସମୁଦ୍ର କୂଳ ଲଙ୍ଘିବାରେ ଲାଗିଛି। ଏହାକୁ ନେଇ ଗଂଜାମ ବ୍ଲକ୍ ଅନ୍ତର୍ଗତ ପୋଡ଼ମପେଟା ଗ୍ରାମବାସୀଙ୍କ ମଧ୍ୟରେ ଭୟ ସୃଷ୍ଟି ହୋଇଛି ।

ଗ୍ରାମର ଅଧିକାଂଶ ଲୋକ ବର୍ଷ ବର୍ଷ ଧରି ସମୁଦ୍ର ଉପରେ ନିର୍ଭର କରି ଆସୁଛନ୍ତି । ଗୋଟିଏ ପଟେ ବର୍ଷା ଓ ଅନ୍ୟପଟେ ପବନର ବେଗ ବୃଦ୍ଧି ସହ ସମୁଦ୍ର ଅଶାନ୍ତ ହୋଇ ପଡ଼ୁଥିବାରୁ ଗ୍ରାମ ଭିତରକୁ ଲହଡ଼ି ମାଡ଼ି ଆସୁଥିବା ଦେଖିବାକୁ ମିଳୁଛି । କୂଳରେ ଥିବା କିଛି ଘରଦ୍ୱାର ଭାଙ୍ଗିଯାଇଥିବା ବେଳେ ଗଛ ମଧ୍ୟ ଭାସିଯାଇଥିବା ଅଂଚଳବାସିନ୍ଦା ଅଭିଯୋଗ କରିଛନ୍ତି । ଗତ ଗୁରୁବାର ପବନ ଓ ବର୍ଷା ଯୋଗୁଁ ଉଚ୍ଚ ଲହଡ଼ି ଫଳରେ ଏକ ସାହିର ୧୫ ଜଣ ପରିବାରଙ୍କ ଘର ଭାଙ୍ଗିଯାଇଛି । ହେଲେ ଏବେବି କିଛି ଗ୍ରାମବାସୀ ନିଜର କୌଳିକକ ବୃତିକୁ ଜାବୁଡ଼ି ଧରି ଗାଁ ମାଟିରେ ପଡ଼ିରହିଛନ୍ତି । ପର୍ୟ୍ୟାୟକ୍ରମେ ଓଡ଼ିଆରପି ଯୋଜନାରେ ଗ୍ରାମବାସୀଙ୍କୁ ଘର ମିଳିଥିବା ବେଳେ ବାଦ୍ ପଡ଼ିଥିବା ଆଉ କିଛି ପରିବାରକୁ ଯୋଜନାରେ ସାମିଲ କରିବା ପାଇଁ ଜିଲ୍ଲା ପ୍ରଶାସନ ନିକଟରେ ଦାବି କରିଛନ୍ତି । ସେପଟେ ପରିସ୍ଥିତିର ଅନୁଧ୍ୟାନ କରାଯାଇ ସରକାରୀ ନିୟମ ଅନୁଯାୟୀ ବାଦ୍ ପଡ଼ିଥିବା ହିତାଧିକାରୀଙ୍କୁ ଯୋଜନାରେ ସାମିଲ କରାଯିବ ବୋଲି ପ୍ରଶାସନିକ ଅଧିକାରୀ ଓ ଜନ ପ୍ରତିନିଧି କହିଛନ୍ତି । ସୂଚନାଯୋଗ୍ୟଯେ, ଫାଇଲିନ ବାତ୍ୟା ପରେ ମଧ୍ୟ ସରକାରଙ୍କ ଯୋଜନା ଅନୁସାରେ କିଛି ଗ୍ରାମବାସୀଙ୍କୁ ଅନ୍ୟତ୍ର ଥଇଥାନ କରାଯାଇଥିଲା

Comments
Loading...