କୋଭିଡରେ ନାଟ୍ୟକାର, ଅଭିନେତା ପ୍ରଥମ ଓଡିଆ ଚଳଚ୍ଚିତ୍ର ନିର୍ମାତା ବଟରାଜ ଦେବ ଗୋସ୍ବାମୀଙ୍କ ପରଲୋକ

ଭୁବନେଶ୍ବର : ପ୍ରଥମ ଓଡିଆ ଚଳଚ୍ଚିତ୍ର ନିର୍ମାତା , ନାଟ୍ୟକାର, ଅଭିନେତା ବଟରାଜ ଦେବ ଗୋସ୍ବାମୀଙ୍କ ଆଜି କୋଭିଡରେ ପରଲୋକ ହୋଇଯାଇଛି। କଲକାତାରେ ଥିବା ତାଙ୍କ ଝିଅ ପାଖକୁ ଯାଇଥିବା ବେଳେ କରୋନା ଆକ୍ରାନ୍ତ ହୋଇଥିଲେ। ଅବସ୍ଥା ଗୁରୁତର ହେବାରୁ ତାଙ୍କୁ କଲକାତାର କୋଭିଡ ହସପିଟାଲରେ ଭର୍ତ୍ତି କରାଯାଇଥିଲା। ହେଲେ ଡାକ୍ତରଙ୍କ ସବୁ ଚେଷ୍ଠା ସତ୍ବେ ସେ ଆଜି ସକାଳେ ମୃତ୍ୟୁବରଣ କରିଛନ୍ତି। ମୃତ୍ୟୁ ବେଳକୁ ତାଙ୍କୁ ୭୨ ବର୍ଷ ବୟସ ହୋଇଥିଲା। ତାଙ୍କ ଧର୍ମପତ୍ନୀ ମଧ୍ୟ କରୋନା ଆକ୍ରାନ୍ତରେ ଗୁରୁତର ହୋଇ ହସପିଟାଲରେ ଚିକିତ୍ସିତ ହେଉଛନ୍ତି।
ସେ କରୋନାରେ ଆକ୍ରାନ୍ତ ହେବା ପରେ ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ତାଙ୍କୁ ସହାୟତାର ହାତ ବଢାଇଥିଲେ। ତାଙ୍କ ପାଇଁ ଆବଶ୍ୟକ ପଡୁଥିବା ଏକ ଇଂଜେକ୍ସନ ନ ମିଳିବାରୁ ସୁଦର୍ଶନ ତାଙ୍କ ଟୁଇଟରେ ସାହାର୍ୟ୍ୟ ପାଇଁ ଲେଖିଥିଲେ। ଏହା ଜାଣିବା ପରେ ବରିଷ୍ଠ ଆଇପିଏସ ଅଫିସର ଅମିତାଭ ଠାକୁର ତାହା ଯୋଗାଡ କରି ସାହାର୍ୟ୍ୟ କରିଥିଲେ। ହେଲେ ଏତେସବୁ ଚେଷ୍ଠା ସତ୍ବେ ତାଙ୍କର ବଞ୍ଚିବା ସମ୍ଭବ ନ ଥିଲା।

 

Comments
Loading...