ଆଠଗଡ ଦମକଳ କେନ୍ଦ୍ର ପକ୍ଷରୁ ଅଗ୍ନିଶମ ସପ୍ତାହ ପାଳନ

ଆଠଗଡ : ଆଠଗଡ ଦମକଳ କେନ୍ଦ୍ର ପକ୍ଷରୁ ବୁଧବାର ଠାରୁ ଅଗ୍ନିଶମ ସପ୍ତାହ ପାଳନ ଉପଲକ୍ଷେ ଜନସାଧାରଣଙ୍କ ମଧ୍ୟରେ ଅଗ୍ନି ସଚେତନତା ସୃଷ୍ଟି ଲାଗି ବିଭିନ୍ନ କାର୍ଯ୍ୟକ୍ରମ ଆୟୋଜିତ ହୋଇଛି। ଆଠଗଡ ଅଗ୍ନିଶମ କେନ୍ଦ୍ରାଧିକାରୀ ଦୁଷ୍ମନ୍ତ କୁମାର ସ୍ୱାଇଁଙ୍କ ପ୍ରତ୍ୟକ୍ଷ ତତ୍ୱାବଧାନରେ ଆଗ୍ନିକମାନେ ଦମକଳ ଗାଡିରେ ଆଠଗଡ ସହର ଓ ଗ୍ରାମାଞ୍ଚଳରେ ଅଗ୍ନିସଚେତନତା ପାଇଁ ପ୍ରଚାର ପ୍ରସାର କରିଥିଲେ। ଆସନ୍ତା ୨୦ତାରିଖ ପର୍ଯ୍ୟନ୍ତ ଚାଲିବାକୁ ଥିବା ଏହି ସଚେତନତା କାର୍ଯ୍ୟକ୍ରମରେ ଅଗ୍ନିକାଣ୍ଡ କିପରି ନହେବ, ଅଗ୍ନିକାଣ୍ଡ ଘଟିଲେ କିପରି ନିଜକୁ ସୁରକ୍ଷିତ ରଖି ଅନ୍ୟକୁ ଉଦ୍ଧାର କରିବେ ସେ ସଂପର୍କରେ ଲୋକଙ୍କୁ ସଚେତନ କରାଯାଉଛି। ଅଗ୍ନିକାଣ୍ଡ ଘଟିଲେ ତୁରନ୍ତ ନିକଟସ୍ଥ ଅଗ୍ନିଶମ କେନ୍ଦ୍ରକୁ ସୂଚନା ଦେବା ଲାଗି ପରାମର୍ଶ ଦିଆଯାଇଥିଲା। ଆଗ୍ନିକମାନେ ବିପଦ ବେଳର ବନ୍ଧୁ ହୋଇଥିବାରୁ ସେମାନଙ୍କୁ କର୍ତ୍ତବ୍ୟ ସଂପାଦନ କରିବାରେ ସାହାର୍ଯ୍ୟ କରନ୍ତୁ ବୋଲି ଆଗ୍ନିକମାନେ ଜନସାଧାରଣଙ୍କୁ ନିବେଦନ କରିଥିଲେ।

Comments
Loading...