ବାଲେଶ୍ବର : ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ବୁଧବାର ଶକ୍ତି ପ୍ରଦର୍ଶନ କରିଥିବା ଦେଖିବାକୁ ମିଳିଛି । ହୋଟେଲ ଭିତରେ ପଶି ମହିଳାମାନେ ମଦ ବୋତଲ ଭାଙ୍ଗିବା ସହିତ ନିଆଁ ଲଗାଇ ଦେଇଛନ୍ତି । ସୂଚନାଯୋଗ୍ୟ, ବାଲେଶ୍ବର ଜିଲ୍ଲା ଖଇରା ଥାନା କୋଚିଆକୋଇଲିରେ ଥିବା ତାପସି ନାମକ ଏକ ହୋଟେଲ ଦୀର୍ଘ ଦିନ ଧରି ବେଆଇନ ଭାବେ ମଦ ବେପାର ଚାଲିଥିଲା । ସେହି ଅଞ୍ଚଳରେ ସ୍ୱୟଂ ସହାୟକ ଗୋଷ୍ଠୀ ର ମହିଳା ମାନେ ବାରମ୍ବାର ମନା କରିବା ପରେ ମଧ୍ୟ ହୋଟେଲ ମାଲିକମାନେ ଶୁଣିନଥିଲେ । ଫଳରେ ସେହି ଗ୍ରାମର ପୁରୁଷମାନେ ମଦ ପିଇ ନିଶାସକ୍ତ ଅବସ୍ଥାରେ ବିଭିନ୍ନ ସ୍ଥାନରୁ ଚୋରି କରିବା ସହିତ ବହୁ ଅସାମାଜିକ କାମରେ ଲିପ୍ତ ରହୁଥିଲେ । ତେଣୁ ବାଧ୍ୟ ହୋଇ ମା ଅମ୍ବିକା ସ୍ୱୟଂ ସହାୟକ ଗୋଷ୍ଠୀ ତାଲମହୁରୀ ଓ ପଲସା ମହିଳା ଗୋଷ୍ଠୀ ସହିତ ଶତାଧିକ ମହିଳା ଏକଜୁଟ ହୋଇ ହୋଟେଲରେ ଭଙ୍ଗାରୁଜା କରିଥିଲେ । ହୋଟେଲରେ ଥିବା ଫ୍ରିଜ ଓ ଅନ୍ୟ ଆସବାବପତ୍ର ଭାଙ୍ଗିବା ସହ ନିଆଁ ଲଗାଇ ଦେଇଥିଲେ । ଘଟଣାସ୍ଥଳରେ ଖଇରା ପୁଲିସ ଓ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ ।
Comments are closed.