ହରଭଙ୍ଗା : ହରଭଙ୍ଗା ବ୍ଲକ ପୁରୁଣାକଟକ ଥାନା ଅର୍ନ୍ତଗତ ତାକୁଡ, ପୁରୁଣାକଟକ ଏବଂ ଲୋକାପଡା ଭଳି ତିନୋଟି ପୃଥକ ପୃଥକ ସ୍ଥାନରେ ଗରୁବାର ଅଗ୍ନିକାଣ୍ଡ ଘଟି ୬ଟି ଚଣାଗଦା ଏବଂ ୩ଟି ପାଳଗଦା ଜଳିଯାଇଥିବା ଜଣାପଡିଛି। ସୂଚନା ମତେ ତିଲେଶ୍ୱର ପଂଚାୟତ ତାକୁଡ ଗ୍ରାମରେ ଅଗ୍ନିକାଣ୍ଡ ଘଟି ସମ୍ବାରୁ ପାତ୍ର,ଲବ ମହାକୁଡଙ୍କ ୨ଟିପାଳଗଦା ସହ ରାମଚନ୍ଦ୍ର ବାଘଙ୍କ ଗୋଟିଏ ଚଣାଗଦା ଜଳିଯାଇଥିବା ଜଣାପଡିଛି। ସେହିପରି ପୁରୁଣାକଟକରେ ଅଗ୍ନିକାଣ୍ଡ ଘଟି ହୃଦୟ ରଂଜନ ପ୍ରଧାନ ଏବଂ ଲୋକାପଡାରେ ଅଗ୍ନିକାଣ୍ଡ ଘଟି ଅଶୋକ ଧଳ,ଅରୁଣ ଦେହୁରୀ,ସୁରେନ୍ଦ୍ର ଧଳ,ଶୁଶିଳ ଦେହୁରୀ,ତପସ୍ୱୀନୀ ଦେହୁରୀଙ୍କ ବିଲରେ ପଡିଥିବା ଚଣାଗଦାସବୁ ଜଳିଯାଇଥିବା ଜଣାପଡିଛି। ଖବରପାଇ ହରଭଙ୍ଗା ଅଗ୍ନିଶମବାହିନୀ ଘଟଣାସ୍ଥଳରେ ପଂହଚି ନିଆଁକୁ ଆୟତ କରିଥିଲେ। ତୁରନ୍ତ କ୍ଷତିଗ୍ରସ୍ତ ଚାଷୀଙ୍କୁ ଆର୍ଥୀକ ସହାୟତା ଯୋଗାଇଦେବାକୁ ଦାବି ହେଉଛି।
Comments are closed.