ସୀତାରମଣଙ୍କ ଆର୍ଥିକ ପ୍ୟାକେଜର ତୃତୀୟ ପର୍ଯ୍ୟାୟ ଘୋଷଣା : କୃଷି ଓ ମତ୍ସ୍ୟ ଚାଷ ଉପରେ ବିଶେଷ ଗୁରୁତ୍ବ

ନୂଆଦିଲ୍ଲୀ : କରୋନା ସଙ୍କଟ ମଧ୍ୟରେ ଦେଶର ଅର୍ଥନୀତିକୁ ପୁନର୍ଜୀବିତ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ଆତ୍ମନିର୍ଭରଶୀଳ ଭାରତ ଅଭିଯାନ ଆରମ୍ଭ କରିଛନ୍ତି । ଦ୍ୱିତୀୟ କିସ୍ତିରେ, ପ୍ରବାସୀ ଶ୍ରମିକ, କୃଷକ, ବୁଲା ବିକାଳି ଇତ୍ୟାଦି ଉପରେ ଧ୍ୟାନ ଦିଆଯାଇଥିଲା। ୨୦ ଲକ୍ଷ କୋଟି ଟଙ୍କାର ଆର୍ଥିକ ପ୍ୟାକେଜର ତୃତୀୟ ପ୍ୟାକେଜର ତୃତୀୟ ପର୍ଯ୍ୟାୟ ସମ୍ପର୍କରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏକ ସାମ୍ବାଦିକ ସମ୍ମିଳନୀରେ ଘୋଷଣା କରୁଛନ୍ତି । ଏଥିରେ କୃଷି ଓ ମତ୍ସ୍ୟ ଚାଷ ଉପରେ ବିଶେଷ ଗୁରୁତ୍ବ ଦିଆଯାଇଛି।

-୫୩ କୋଟି ପ୍ରାଣୀ ଟୀକାକରଣ ପାଇଁ ଯୋଜନା, ଏଥିପାଇଁ ପ୍ରାୟ ୧୩,୩୪୩ କୋଟି ଟଙ୍କା ବ୍ୟୟ ହେବ। ପଶୁମାନେ ସୁସ୍ଥ ଜୀବନଯାପନ କରିବାର ସୁଯୋଗ ପାଇବେ, ଏହି ସମୟରେ ଦୁଗ୍ଧ ଉତ୍ପାଦନ ବୃଦ୍ଧି ପାଇବ

– ମହୁମାଛି ପାଳନ ପାଇଁ ୫୦୦ କୋଟି ଟଙ୍କାର ଯୋଜନା,ଏହାଦ୍ୱାରା ଦୁଇ ଲକ୍ଷ ମହୁମାଛି ପାଳନକାରୀଙ୍କର ଆୟ ବୃଦ୍ଧି ପାଇବ ଏବଂ ଗ୍ରାହକମାନେ ଭଲ ମହୁ ପାଇବେ।   ଗ୍ରାମୀଣ କ୍ଷେତ୍ର ପାଇଁ ଏହା ଏକ ଅତିରିକ୍ତ ଆୟର ଉତ୍ସ ହେବ। ସ୍ଥାନୀୟ ଠାରୁ ବିଶ୍ୱସ୍ତରରେ ପହଁଚିବା  ଦିଗରେ ଏହା ଏକ ପ୍ରମୁଖ ପଦକ୍ଷେପ ହେବ।  

-୨୦,୦୦୦ କୋଟି ଟଙ୍କାର ପ୍ରଧାନମନ୍ତ୍ରୀ ମତ୍ସ୍ୟ ସଂପଦା ଯୋଜନା ଯାହା, ମତ୍ସ୍ୟଜୀବୀମାନଙ୍କର ବିକାଶ କରିବ, ଏଥିମଧ୍ୟରୁ ସାମୁଦ୍ରିକ ଏବଂ ଆନ୍ତଃର୍ଦେଶୀୟ ମତ୍ସ୍ୟଚାଷ ପାଇଁ ୧୧,୦୦୦ କୋଟି ଟଙ୍କା ପ୍ରଦାନ କରାଯିବ, ଏହାର ଭିତ୍ତିଭୂମି ବିକାଶ ପାଇଁ ୯,୦୦୦ କୋଟି ଟଙ୍କା ବ୍ୟୟ ହେବ।

-ଫସଲ ବୀମା ଯୋଜନାରେ କୃଷକମାନଙ୍କୁ ୬,୪୦୦ କୋଟି ଟଙ୍କା ପ୍ରଦାନ କରାଯାଇଛି,ଲକଡାଉନ୍ ସମୟରେ କ୍ଷୀର ବ୍ୟବହାର ୨୦ ରୁ ୨୫ ପ୍ରତିଶତ ହ୍ରାସ ପାଇଛି । ଦୁଇ କୋଟି ଚାଷୀଙ୍କୁ ୫୦୦୦ କୋଟି ଟଙ୍କାର ଅତିରିକ୍ତ ସହାୟତା ପ୍ରଦାନ କରାଯାଇଛି।

-ଗତ ଦୁଇ ମାସ ମଧ୍ୟରେ ଚାଷୀଙ୍କ ପାଇଁ ଅନେକ ପଦକ୍ଷେପ ନିଆଯାଇଛି । ସର୍ବନିମ୍ନ ସହାୟତା ପାଇଁ ପ୍ରାୟ ୭୪,୩୦୦ କୋଟି ଟଙ୍କା ଖର୍ଚ୍ଚ ହୋଇଛି ଯାହା ସିଧାସଳଖ ଚାଷୀଙ୍କ ପାଖକୁ ଯାଇଛି ।

– ପ୍ରଧାନମନ୍ତ୍ରୀ କିଷାନ ଯୋଜନା ଅଧୀନରେ ଦୁଇ ମାସ ମଧ୍ୟରେ ଚାଷୀଙ୍କ ଆକାଉଣ୍ଟକୁ ୧୮,୭୦୦ କୋଟି ଟଙ୍କା ଦିଆ ଯାଇଛି। -୧ ଲକ୍ଷ କୋଟି ଟଙ୍କାର କୃଷି ଭିତ୍ତିଭୂମି ନିର୍ମାଣ ପାଇଁ ଏକ ଯୋଜନା ଆରମ୍ଭ କରାଯାଇଛି। ଏହାଦ୍ୱାରା ଚାଷୀଙ୍କ ଆୟ ବୃଦ୍ଧି ପାଇବ ।

​‌ -ହର୍ବାଲ ଚାଷର ପ୍ରୋତ୍ସାହନ ପାଇଁ ପ୍ରାୟ ୪,୦୦୦ କୋଟି ଟଙ୍କାର ବ୍ୟବସ୍ଥା କରାଯିବ। ଏହା ୧୦ ଲକ୍ଷ ହେକ୍ଟର ଜମିରେ ଚାଷ କରାଯିବ | ଏହା ସହିତ ଚାଷୀଙ୍କ ଆୟ ୫,୦୦୦ କୋଟି ଟଙ୍କା ହେବ। ଗଙ୍ଗା କୂଳରେ ହଜାର ହଜାର ଏକର ଜମିରେ ବୃକ୍ଷରୋପଣ ଅଭିଯାନ ଚାଲିବ

Comments are closed.