ସରକାରଙ୍କ ପ୍ରସ୍ତାବକୁ ଗ୍ରହଣ କଲା କୃଷକ ସଂଘ : ଡିସେମ୍ବର ୨୯ରେ ବୈଠକ

ନୂଆଦିଲ୍ଲୀ : ଦିଲ୍ଲୀ ଉପକଣ୍ଠରେ ଛାଲିଥିବା କୃଷକଙ୍କ ଆନ୍ଦୋଳନର ଶନିବାର ହେଉଛି ୩୨ ତମ ଦିନ। ଜାତୀୟ ରାଜଧାନୀ  ଦିଲ୍ଲୀର ଅନେକ ସୀମାରେ କୃଷି ନିୟମକୁ ବିରୋଧ କରୁଥିବା କୃଷକ ଓ ସରକାରଙ୍କ ମଧ୍ୟରେ ଅନେକ ପର୍ଯ୍ୟାୟରେ ଆଲୋଚନା ହୋଇଛି, କିନ୍ତୁ ସବୁ ବିଫଳ ହୋଇଛି। ଆଲୋଚନା ପାଇଁ ସରକାରଙ୍କ ନୂତନ ପ୍ରସ୍ତାବ ଉପରେ କୃଷକ ସଂଗଠନ ଆଜି ନିଷ୍ପତ୍ତି ନେଇଛି। ୨୯ରେ ଚାଷୀଙ୍କ ସହ ସରକାରଙ୍କର ଆଲୋଚନା ହେବ।

ସରକାରଙ୍କ ପ୍ରସ୍ତାବକୁ ଗ୍ରହଣ କଲା କୃଷକ ସଂଘ

ଆଲୋଚନା ପାଇଁ ସରକାରଙ୍କ ପ୍ରସ୍ତାବକୁ କୃଷକ ସଂଘ ଗ୍ରହଣ କରିଛି । ଡିସେମ୍ବର ୨୯ରେ ପୁଣି ଏକ ବୈଠକ ହେବ ବୋଲି କୁହାଯାଉଛି।

ସମାଧାନ କୃଷକଙ୍କ ହାତରେ ନାହିଁ, ସରକାର ଏହାର ସମାଧାନ ଖୋଜିବେ : ଟିକାୟତ

କୃଷକ ଆନ୍ଦୋଳନର ସମାଧାନ କୃଷକଙ୍କ ହାତରେ ନାହିଁ, ସରକାର ଏହାର ସମାଧାନ ଖୋଜିବେ। କୃଷକମାନେ ସେମାନଙ୍କର ଆନ୍ଦୋଳନକୁ ଶାନ୍ତିପୂର୍ଣ୍ଣ ଭାବେ ଚଳାଇଛନ୍ତି । ଭାରତୀୟ କିଷାନ ସଂଘର ଜାତୀୟ ମୁଖପାତ୍ର ରାକେଶ ଟିକାୟତ କହିଛନ୍ତି, ଯଦି କୃଷକ ହାରିଯାଏ ତେବେ, ସରକାର ହାରିଯିବେ ଏବଂ ଯଦି କୃଷକ ଜିତିଯାଏ, ତେବେ ସରକାର ମଧ୍ୟ ଜିତିବେ।

କୃଷକମାନେ ଖୋଲିଲେ ଦିଲ୍ଲୀ ମେରଟ ଏକ୍ସପ୍ରେସୱେ ରାସ୍ତା 

ସାରା ଦିନ ପାଇଁ ବନ୍ଦ ରଖିବା ପରେ କୃଷକମାନେ ସନ୍ଧ୍ୟାରେ ଦିଲ୍ଲୀ ମିରଟ ଏକ୍ସପ୍ରେସୱେ ରାସ୍ତା ଖୋଲିଛନ୍ତି। ବିକ୍ଷୋଭକାରୀ କୃଷକମାନେ ଦିନ ୧୧ ଟାରୁ ଦିଲ୍ଲୀରୁ ୟୁପି ପର୍ଯ୍ୟନ୍ତ ଯାଉଥିବା ସମସ୍ତ ଗାଡ଼ି ବନ୍ଦ କରିଦେଇଥିଲେ।

ବିଜେପିରୁ ଇସ୍ତଫା ଦେଲେ ହରିନ୍ଦର ସିଂହ ଖାଲସା  

ବିଜେପିର ପୂର୍ବତନ ଲୋକସଭା ସାଂସଦ ହରିନ୍ଦର ସିଂହ ଖାଲସା ଦଳରୁ ଇସ୍ତଫା ଦେଇଛନ୍ତି।  ତିନୋଟି କୃଷି ନିୟମକୁ ବିରୋଧ କରି କୃଷକ, ସେମାନଙ୍କ ପତ୍ନୀ ଏବଂ ପିଲାମାନଙ୍କ ଦୁଃଖ  ପ୍ରତି ଦଳର ନେତା ତଥା ସରକାରଙ୍କ ସମ୍ବେଦନଶୀଳତାକୁ ବିରୋଧ କରି ସେ ଇସ୍ତଫା ଦେଇଛନ୍ତି।

ଗାଜିପୁର ସୀମାରେ କୃଷକ ପଞ୍ଜିକରଣ ବୁଥ

ଗାଜିପୁର ସୀମାରେ ଚାଷୀଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି। ଏହାକୁ ଦୃଷ୍ଟିରେ ରଖି ସୀମାରେ କୃଷକ ପଞ୍ଜୀକରଣ ବୁଥ ନିର୍ମାଣ କରାଯାଇଛି । ଏଥିରେ ଏହି ଆନ୍ଦୋଳନରେ ଜଡିତ ସମସ୍ତ ଚାଷୀଙ୍କ ସୂଚନା ରଖାଯାଉଛି।

Comments are closed.