ଥମୁନି ଚାଷୀର ସମସ୍ୟା : ଦାଉ ସାଧୁଛି ରୋଗପୋକ

ବିନିକା : ସମ୍ପ୍ରତି ଚଳିତ ବର୍ଷ ସୁବର୍ଣ୍ଣପୁର ଜିଲ୍ଲା ବିନିକା ଅଞ୍ଚଳର ଋତୁ ଚାଷରେ ଚାଷୀଙ୍କୁ ଦାଉ ସାଧୁଛି ରୋଗପୋକ। ଏବେ ନୁହେଁ ଚାଷ ଆରମ୍ଭରୁ ଲାଗି ରହିଛି ଏଭଳି ସମସ୍ୟା। ଏସବୁ ଭିତରେ ଛନ୍ଦି ହୋଇ ପଡିଛନ୍ତି ବିନିକା ଅଞ୍ଚଳର ଚାଷୀ। ରୋଗପୋକ ପ୍ରାଦୁର୍ଭାବ ଥମୁନାହିଁ। ଦିନକୁ ଦିନ ରୋଗପୋକ ବୃଦ୍ଧିକୁ ନେଇ ଚାଷୀ ଚିନ୍ତିତ ହୋଇ ପଡ଼ୁଥିବା ବେଳେ ଏପରି ସ୍ଥିତିରେ ଚାଷୀ ହାତରେ ଅର୍ଥାଭାବ ସମସ୍ୟା ରହୁଥିବାରୁ କୀଟନାଶକ ଔଷଧ କିଣିବାକୁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଅଞ୍ଚଳର ବିଭିନ୍ନ ମୌଜାରେ ମହିଶା, ସଢା, ପତ୍ରପୋଡା ରୋଗରେ ଫସଲ ରୋଗାକ୍ରାନ୍ତ ଯୋଗୁଁ ଏବେ ଧାନଗଛ ହୃଷ୍ଟପୃଷ୍ଟ ହେବା ବେଳେ ଚାଷୀ କ୍ଷତିର ସମ୍ମୁଖୀନ ହେଉଥିବା ଅଭିଯୋଗ ହେଉଛି। ଏପରି ସ୍ଥିତିରେ ରୋଗପୋକ ପ୍ରାଦୁର୍ଭାବ ବଢ଼ି ଚାଲିଥିବା ବେଳେ ଚାଷୀ ନିରୁପାୟ ପରିସ୍ଥିତିର ରହିଛନ୍ତି। କିଭଳି ଭାବରେ ଲାଗିଥିବା ରୋଗପୋକ ନିୟନ୍ତ୍ରଣ କରି ପାରିବେ ସେ ନେଇ ଚିନ୍ତା ବଢାଇ ଦେଇଛି। ଅଞ୍ଚଳର ଅଧିକାଂଶ ମୌଜାରେ ହେକ୍ଟର ହେକ୍ଟର ଜମିର ଫସଲ ରୋଗାକ୍ରାନ୍ତ ଯୋଗୁଁ ଏବେ ଚାଷୀ ନିରାଶ ହୋଇ ପଡ଼ୁଥିବା ବେଳେ ଏପରି ସ୍ଥିତିରେ କୃଷି ବିଭାଗର ଅଧିକ ପରାମର୍ଶ ସହିତ ସରକାରୀ ସହାୟତାରେ କୀଟନାଶକ ଔଷଧ ଯୋଗାଇ ଦେବା ପାଇଁ ଦାବି କରୁଛନ୍ତି। ତେଣୁ ସମସ୍ୟା ସମ୍ପର୍କରେ ବିଭାଗୀୟ ଉଚ୍ଚ କର୍ତ୍ତୃପକ୍ଷ ଯଥାଶୀଘ୍ର ଦୃଷ୍ଟି ଦେଇ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ଚାଷୀ ମହଲରେ ଦାବି ହେଉଛି। ଚାଷୀ ଆବଶ୍ୟକ କୀଟନାଶକ ଔଷଧ ସିଞ୍ଚନ କରୁଥିଲେ ମଧ୍ୟ ଏହା ଥମୁ ନ ଥିବାରୁ ଚାଷୀ ମହଲରେ ଚିନ୍ତାର କାରଣ ପାଲଟିଛି।

Comments
Loading...