ତାଲାବନ୍ଦରେ ଚାଷୀ ପ୍ରଭାବିତ : ଜରୁରୀକାଳୀନ କୋଭିଡ ପରୀକ୍ଷା ଓ ଚିକିତ୍ସା ପାଇଁ ଦାବି

ଆଗଲପୁର : ସରକାର ତାଲା ବନ୍ଦ କରିଥିବାରୁ ଚାଷୀମାନେ ଅସୁବିଧାର ସମ୍ମୁଖୀନ ହେଉଥିବା ଆଗଲପୁର ବ୍ଲକର ଚାଷୀମାନେ ଅଭିଯୋଗ କରିଛନ୍ତି। ଚାଷୀଙ୍କ କହିବା ଅନୁସାରେ, ସେମାନେ ପରିଶ୍ରମ କରି ଅମଳ କରିଥିବା ପରିବା ଏବେ ବିକ୍ରି କରି ନପାରି ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଅଖାପଖରେ ଥିବା ବଜାରଗୁଡିକ ତାଲା ବନ୍ଦ ଯୋଗୁଁ ବନ୍ଦ ରହୁଥିବାରୁ ଚାଷୀମାନେ ବିଭିନ୍ନ ଗାଁକୁ ଯାଇ ପରିବା ବିକିବା ପାଇଁ ଚେଷ୍ଟା କରୁଛନ୍ତି। କିନ୍ତୁ କରୋନା ସଂକ୍ରମଣ ଭୟରେ ପରିବା ବିକ୍ରି କରିବାକୁ ଆସୁଥିବା ଲୋକଙ୍କୁ କେତେକ ଗ୍ରାମରେ ବାରଣ କରୁଥିବାରୁ ପରିବା ବିକ୍ରି ନକରି ନିରାଶ ହୋଇ ଘରକୁ ଫେରି ଯାଉଛନ୍ତି। ଏଣୁ ପ୍ରଶାସନ ପକ୍ଷରୁ ଆବଶ୍ୟକ ପଦକ୍ଷେପ ଗ୍ରହଣ କରି ଚାଷୀଙ୍କ ପରିବା ବିକ୍ରି କରିବା ପାଇଁ ବ୍ୟବସ୍ଥା କରାଗଲେ ଚାଷୀମାନେ ଉପକୃତ ହେବା ସହିତ ତାଙ୍କର ପରିବାରର ଗୁଜୁରାଣ ମେଣ୍ଟାଇ ପାରିବେ ବୋଲି ପ୍ରକାଶ କରିଛନ୍ତି।
ସେହିପରି ସ୍ୱାସ୍ଥ୍ୟକେନ୍ଦ୍ରରେ ପ୍ରଥମେ କୋଭିଡ ପରୀକ୍ଷା କରି ରୋଗୀଙ୍କୁ ଚିକିତ୍ସା କରାଯାଉଛି। କିନ୍ତୁ ସ୍ୱସ୍ଥ୍ୟକେନ୍ଦ୍ର ଗୁଡିକରେ ନିର୍ଦ୍ଧାରିତ ସମୟ ଅନୁସାରେ କୋଭିଡ ପରୀକ୍ଷା କରୁଥିବା ବେଳେ ଅନ୍ୟ ସମୟରେ ଆସୁଥିବା ରୋଗୀମାନଙ୍କୁ ଆଗାମୀ ଦିନରେ ଆସି କୋଭିଡ ପରୀକ୍ଷା କରାଇ ନେବା ପାଇଁ ପରାମର୍ଶ ଦିଆଯାଉଛି। ଯାହାର ଫଳରେ ରୋଗୀମାନେ ଉପଯୁକ୍ତ ସେବା ପାଇ ପାରୁ ନାହାନ୍ତି। କେତେକ ରୋଗୀ ମୃତ୍ୟୁମୁଖରେ ପଡୁଥିବାର ଅଭିଯୋଗ ହେଉଛି। ଏଣୁ ଜରୁରୀକାଳୀନ ସେବା ଭାବେ କୋଭିଡ ପରୀକ୍ଷା ସୁବିଧା​ ଯୋଗାଇଦେବା ପାଇଁ ଦାବି ହେଉଛି।

Comments
Loading...