ପୁରୀଠାରୁ ୩୨୦ କିଲୋମିଟର ଦୂରରେ ‘ଫନୀ’

ଭୁବନେଶ୍ବର :  ପଶ୍ଚିମ କେନ୍ଦ୍ରୀୟ ବଙ୍ଗୋପ ସାଗରରେ କେନ୍ଦ୍ରୀଭୂତ ହୋଇଥିବା ବାତ୍ୟା ଫନୀ ଭୟଙ୍କର ସାମୁଦ୍ରିକ ଝଡ଼ର ରୂପ ନେଇଛି। ଏହା ଗତ ୬ ଘଣ୍ଟା ଧରି ଉତ୍ତର-ଉତ୍ତରପୂର୍ବ ଆଡ଼କୁ ମୁହାଁଇ ଘଣ୍ଟାପ୍ରତି ୧୭ କିଲୋମିଟର ବେଗରେ ଗତି କରୁଛି। ଗୁରୁବାର ଅପରାହ୍ନ ସୁଦ୍ଧା ଫନୀ ପୁରୀଠାରୁ ଦକ୍ଷିଣ-ଦକ୍ଷିଣପଶ୍ଚିମ ଦିଗରେ ୩୨୦ କିଲୋମିଟର, ବିଶାଖାପଟ୍ଟନମ୍‍ଠାରୁ ଦକ୍ଷିଣ-ଦକ୍ଷିଣପୂର୍ବ ଦିଗରେ ୧୭୦ କିଲୋମିଟର ଏବଂ ପଶ୍ଚିମବଙ୍ଗର ଦିଘାଠାରୁ ଦକ୍ଷିଣ-ଦକ୍ଷିଣପଶ୍ଚିମ ଦିଗରେ ୬୧୦ କିଲୋମିଟର ଦୂରରେ ରହିଥିବା ସୂଚନା ମିଳିଛି।
ଶୁକ୍ରବାର ପୂର୍ବାହ୍ନରେ ଏହା ଉତ୍ତର-ଉତ୍ତରପୂର୍ବ ଦିଗରେ ଗତିକରି ଓଡ଼ିଶା ଉପକୂଳ ଗୋପାଳପୁର ଓ ଚାନ୍ଦବାଲି ମଧ୍ୟରେ ପୁରୀ ନିକଟରେ ସ୍ଥଳଭାଗ ସ୍ପର୍ଶ କରିବାର ସମ୍ଭାବନା ରହିଛି। ଏହି ସମୟରେ ଘଣ୍ଟା ପ୍ରତି ୧୭୦ରୁ  ୧୮୦ କିଲୋମିଟର ଏବଂ ସ୍ଥଳ ବିଶେଷରେ ୨୦୦ କିଲୋମିଟର ବେଗରେ
ପବନ ବହିବାର ଅନୁମାନ କରାଯାଉଛି।

ସ୍ଥଳଭାଗ ସ୍ପର୍ଶ କରିବା ପରେ ଏହା ଉତ୍ତର ଉତ୍ତର-ପୂର୍ବ ଦିଗକୁ ଗତି କରି ଦୁର୍ବଳ ହୋଇ ପଶ୍ଚିମ ବଙ୍ଗରେ ପ୍ରବେଶ କରି ଭୟଙ୍କର ବାତ୍ୟାର ରୂପ ନେବ। ଏହି ସମୟରେ ପବନର ବେଗ ୯୦ ରୁ ୧୦୦ କିମି ଏବଂ ସ୍ଥଳ ବିଶେଷରେ ଘଣ୍ଟାପ୍ରତି ୧୧୫ କିମି ରହିବ।

 

Comments
Loading...