ହେଟ୍ ସ୍ପିଚ୍ କାର୍ଯ୍ୟାନୁଷ୍ଠାନ ବିବାଦ : ଫେସବୁକ୍ ଇଣ୍ଡିଆରୁ ଇସ୍ତଫା ଦେଲେ ଅଂଖୀ ଦାସ

ନୂଆଦିଲ୍ଲୀ : ଫେସବୁକ ଇଣ୍ଡିଆର ପବ୍ଲିକ ପଲିସି  ମୁଖ୍ୟ ଅଂଖି ଦାସ ତାଙ୍କ ପଦରୁ ଇସ୍ତଫା ଦେଇଛନ୍ତି । କମ୍ପାନୀ ଅଧିକାରୀମାନେ ଏ ବିଷୟରେ ସୂଚନା ଦେଇଛନ୍ତି । ଫେସବୁକ୍ ଇଣ୍ଡିଆର ମୁଖ୍ୟ ଅଜିତ ମୋହନ ଏକ ଇମେଲରେ ଲେଖିଛନ୍ତି ଯେ ସାର୍ବଜନିକ ସେବା ପ୍ରତି ତାଙ୍କର ଆଗ୍ରହ ବଢାଇବା ପାଇଁ ସେ ଫେସବୁକରୁ ନିଜର ପଦ ଛାଡିବାକୁ ନିଷ୍ପତ୍ତି ନେଇଛନ୍ତି। କମ୍ପାନୀରେ ଯୋଗ ଦେଇଥିବା ପ୍ରଥମ କର୍ମଚାରୀମାନଙ୍କ ମଧ୍ୟରୁ ଅଂଖୀ ଦାସ ଅନ୍ୟତମ, କମ୍ପାନୀର ବିକାଶ ତଥା ଭାରତରେ ଏହାର ସେବାର ପ୍ରସାର କ୍ଷେତ୍ରରେ ପ୍ରମୁଖ ଭୂମିକା ଗ୍ରହଣ କରିଥିଲେ।

ଅଂଖୀ ଦାସ ସେତେବେଳେ ଖବରର ଶିରୋନାମାକୁ ଆସିଥିଲେ  ଯେତେବେଳେ ଏକ ଆମେରିକୀୟ ଖବରକାଗଜ ଫେସବୁକରେ ଭାରତର ଶାସକ ଦଳ ବିଜେପି ସପକ୍ଷରେ ହେଟ୍ ସ୍ପିଚ୍ (ଘୃଣାଭାବର ଭାଷଣ)କୁ ଭେଦଭାବ ସୃଷ୍ଟି କରୁଥିବା ଅଭିଯୋଗ କରିଥିଲା। ​​ଖବରକାଗଜ ଅନୁଯାୟୀ, ଫେସବୁକ୍ ବିଜେପି ସମର୍ଥିତ ହେଟ୍ ସ୍ପିଚ୍ ଉପରେ କୋହଳ ବନୋଭାବ ପୋଷଣ କରୁଥିଲା। କମ୍ପାନୀର ପବ୍ଲିକ ପଲିସି ନିର୍ଦ୍ଦେଶକ ଅଂଖୀ ଦାସ ଉପରେ ଅଭିଯୋଗ ଆସିଥିଲା,  ଯେ କମ୍ପାନୀ କର୍ମଚାରୀଙ୍କ କହିବା ପରେ ମଧ୍ୟ ସେ ଏହା ଉପରେ କାର୍ଯ୍ୟ କରି ନ ଥିଲେ।

Comments
Loading...