ବାଙ୍କୀରେ ଅବକାରୀ ଚଢାଉ, ୬୦ ଲିଟର ମଦ ଜବତ,୧ ଗିରଫ

୧୨୦୦ ଲିଟର ପୋଚ ନଷ୍ଟ

ବାଙ୍କୀ : ବାଙ୍କୀର ବିଭିନ୍ନ ସ୍ଥାନରେ ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ଗୁରୁବାର ଦିନ ୧୨୦୦ ଲିଟର ପୋଚ ନଷ୍ଟ କରାଯିବା ସହ ୬୦ ଲିଟର ଦେଶୀ ଚୋରା ରନ୍ଧା ମଦ ଜବତ କରିବାରେ ବାଙ୍କୀ ଅବକାରୀ ବିଭାଗ ସଫଳ ହୋଇଛି । ଏହି ଚଢାଉରେ ଅବକାରୀ ବିଭାଗ ଜଣଙ୍କୁ ଗିରଫ କରିଛି । ଅବକାରୀ ଅଧିକାରୀ ଟେଲେସଫର ଲାକ୍ରାଙ୍କ ସୂଚନାକ୍ରମରେ ସରଣ୍ଡା ଫାଣ୍ଡି ଅଧିନ ମାଳବିହାରପୁର ଗ୍ରାମର ତପନ ନାଏକଙ୍କ ଠାରୁ ୬୦ ଲିଟର ମଦ ଅଂଶୁପା ନିକଟବର୍ତ୍ତୀ ଖନ୍ଦକ ସେତୁ ଠାରୁ ଜବତ କରାଯାଇଛି । ସେହିପରି ଅନୁରୂପ ଭାବରେ ବାଙ୍କୀ ଥାନା ଅଧିନ ଢଁସର ପଞ୍ଚାୟତର ଜାମୁଣ୍ଡି ସଂରକ୍ଷିତ ଜଙ୍ଗଲ ମଧ୍ୟରୁ ମଦ ରନ୍ଧା ନିମନ୍ତେ ମହଜୁଦ ଥିବା ୧୨୦୦ ଲିଟର ଗୁଡ ପୋଚ ଜବତ କରାଯାଇ ସମସ୍ତ ସାମଗ୍ରୀକୁ ନଷ୍ଟ କରାଯାଇଛି । ଏହି ଘଟଣାରେ ଅବକାରୀ ବିଭାଗ କାହାରିକୁ ଗିରଫ କରିପାରିନାହିଁ । ସୂଚନା ଅନୁଯାଇ କଟକ ଜିଲ୍ଲା ଅବକାରୀ ଅଧିକ୍ଷକଙ୍କ ନିର୍ଦ୍ଦେଶକ୍ରମରେ ବାଙ୍କୀର ବିଭିନ୍ନ ଜାଗାରେ ଚଢାଉ ଜାରି ରହିଛି।

Comments
Loading...