ୟୁରୋ କପ୍ ଫୁଟ୍ବଲ: ରୁଷିଆ, ୱେଲ୍ସ ଓ ଫ୍ରାନ୍ସ ବିଜୟୀ
ସେଣ୍ଟ ପିଟର୍ସବର୍ଗ (ରୁଷିଆ)/ବାକୁ/ମ୍ୟୁନିକ୍: ଚଳିତ ୟୁରୋ କପ୍ ଫୁଟ୍ବଲରେ ବୁଧବାର ଗ୍ରୁପ୍ ‘ବି’ର ୨ୟ ରାଉଣ୍ଡର ଏକ ମ୍ୟାଚରେ ଫିନ୍ଲାଣ୍ଡକୁ ୧-୦ ଗୋଲ୍ରେ ହରାଇ ରୁଷିଆ ଟୁର୍ଣ୍ଣାମେଣ୍ଟରେ ବିଜୟ ହାସଲ କରିଛି। ପ୍ରଥମାର୍ଦ୍ଧରେ ରୁଷିଆର ଆଲେକ୍ସି ମାରାଞ୍ଚୁକ୍ ବିଜୟସୂଚକ ଗୋଲ୍ ଦେଇଥିଲେ। ୨ୟ ମ୍ୟାଚ୍ରେ ପ୍ରଥମ ପରାଜୟ ଭୋଗିଛି ଫିନ୍ଲାଣ୍ଡ। ଖେଳର ୫ମ ମିନିଟରେ ବଲ୍ ରୁଷିଆର ଗୋଲ୍ପୋଷ୍ଟ ଭେଦ କରିଥିଲା।
ଅନ୍ୟପକ୍ଷରେ ଗ୍ରୁପ୍ ‘ଏ’ର ୨ୟ ରାଉଣ୍ଡର ଏକ ମ୍ୟାଚରେ ତୁର୍କୀକୁ ୨-୦ ଗୋଲ୍ରେ ୱେଲ୍ସ ପରାସ୍ତ କରିଛି। ଉଭୟ ହାଫ୍ରେ ୱେଲ୍ସ ଗୋଟିଏ ଲେଖାଏଁ ଗୋଲ୍ ଦେଇଥିଲା। ଫଳରେ ୨ଟି ମ୍ୟାଚ୍ରୁ ୪ ପଏଣ୍ଟ ପାଇ ନକ୍ଆଉଟ ଆଶା ବଜାୟ ରଖିଛି ୱେଲ୍ସ। ତୁର୍କୀ କିନ୍ତୁ ଉଭୟ ମ୍ୟାଚ୍ରେ ପରାସ୍ତ ହୋଇଛି। ସେହିପରି ୟୁରୋ କପ୍ ଫୁଟବଲର ଅନ୍ୟତମ ଟାଇଟଲ ଦାବିଦାର ତଥା ବିଶ୍ବ ଚମ୍ପିଆନ୍ ଫ୍ରାନ୍ସ ବିଜୟ ସହ ଅଭିଯାନ ଆରମ୍ଭ କରିଛି। ମଙ୍ଗଳବାର ରାତିରେ ଖେଳା ଯାଇଥିବା ଗ୍ରୁପ୍ ‘ଏଫ୍’ର ଲିଗ୍ ମ୍ୟାଚରେ ଜର୍ମାନୀ ଆତ୍ମଘାତୀ ଗୋଲ ବଳରେ ୧-୦ ଗୋଲ୍ରେ ଫ୍ରାନ୍ସ ନିକଟରୁ ପରାସ୍ତ ହୋଇଛି। ଏହି ବିଜୟ ସହ ଫ୍ରାନ୍ସ ପଏଣ୍ଟ ଖାତା ଖୋଲିପାରିଛି। ମ୍ୟାଚ୍ରେ ଫ୍ରାନ୍ସ ପ୍ରାଧାନ୍ୟ ବିସ୍ତାରକରି ଖେଳିଥିଲା। ତେବେ ଏହାର କୌଣସି ଖେଳାଳି ୯୦ ମିନିଟରେ ଗୋଲ୍ ଦେଇନପାରିବା ଫ୍ରାନ୍ସ ପାଇଁ ଚିନ୍ତାର ବିଷୟ ପାଲଟିଛି।
Comments are closed.