ସାହିତ୍ୟିକ ଇଂ. ସଞ୍ଜୟ କୁମାର ପଣ୍ଡା ଓଡିଶା ସାହିତ୍ୟ ଏକାଡେମୀର ଅର୍ଥ ସମିତିର ସଦସ୍ୟ

ବୌଦ୍ଧ : ଓଡିଶା ସାହିତ୍ୟ ଏକାଡେମୀର ସାଧାରଣ ପରିଷଦ ବୈଠକ ଭୁବନେଶ୍ୱର ସ୍ଥିତ ଭଞ୍ଜ କଳାମଣ୍ଡପଠାରେ ଅନୁଷ୍ଠିତ ହୋଇଯାଇଛି। ଏକାଡେମୀ ସଦସ୍ୟ ଭାବରେ ବୌଦ୍ଧ ଜିଲ୍ଲାରୁ ପ୍ରତିନିଧିତ୍ୱ କରୁଥିବା ଇଂ ସଞ୍ଜୟ କୁମାର ପଣ୍ଡା ସର୍ବାଧିକ ସଂଖ୍ୟକ ଭୋଟପାଇ ଏକାଡେମୀର ଅର୍ଥ ସମିତିକୁ ନିର୍ବାଚିତ ହୋଇଛନ୍ତି। ଶ୍ରୀ ପଣ୍ଡା ବର୍ତମାନ ଉତ୍କଳ ବିଶ୍ୱ ବିଦ୍ୟାଳୟରେ ବୌଦ୍ଧ ଜିଲ୍ଲାର ଓଡିଆ ଭାଷା, ସାହିତ୍ୟ ଓ ସଂସ୍କୃତି ବିଷୟରେ ଗବେଷଣା କାର୍ଯ୍ୟ କରୁଛନ୍ତି। ତାଙ୍କ ଦ୍ୱାରା ରଚିତ ପୁସ୍ତକ ଭାବନାର ଅନ୍ତରାଳେ, ଭାବ ମଲ୍ଲିକା, ଭାବ ନିର୍ମାଲ୍ୟ, ମଞ୍ଜୁଳା ଏକ ଭାବାର୍ଣ୍ଣବ ଓ ଭାବପାଗୋଡା ପ୍ରକାଶିତ ହୋଇ ପାଠକମାନଙ୍କ ଦ୍ୱାରା ଆଦୃତ ହୋଇଛି। ଗୀତିକବିତାର ଭିଡିଓ ଉନ୍ମୋଚିତ ହୋଇ ସୋସିଆଲ ମିଡିଆରେ ପ୍ରଚାର ପ୍ରସାର ହୋଇଛି। ଶ୍ରୀ ପଣ୍ଡାଙ୍କ ଦ୍ୱାରା ପ୍ରତିଷ୍ଠା ଲାଭ କରିଥିବା ନିଳଚକ୍ର ସାହିତ୍ୟ ସଂସଦ ମାଧ୍ୟମରେ ଜିଲ୍ଲା ଓ ରାଜ୍ୟସ୍ତରୀୟ କାର୍ଯ୍ୟକ୍ରମ ଅନୁଷ୍ଠିତ ହେବା ସହିତ ତ୍ରୈମାସିକ ସାହିତ୍ୟ ପତ୍ରିକା ବୌଦ୍ଧଚକ୍ର ତାଙ୍କର ସଂପାଦନାରେ ପ୍ରକାଶିତ ହେଉଅଛି। ଅର୍ଥ ସମିତିର ସଦସ୍ୟଭାବେ ମନୋନୀତ ହେବାପରେ ଜିଲ୍ଲା ଓ ରାଜ୍ୟର ସାହିତ୍ୟିକ ଓ ବୁଦ୍ଧିଜିବୀ ଶ୍ରୀ ପଣ୍ଡାଙ୍କୁ ଶୁଭେଛା ଜଣାଇଛନ୍ତି।

Comments
Loading...