ଭୁବନେଶ୍ୱର : ଦର୍ଶକଙ୍କ ରୁଚି ଓ ପସନ୍ଦକୁ ଆଖିରେ ରଖି ଜୀ ସାର୍ଥକ୍ ଚାନେଲ ୨୪ ତାରିଖ (ସୋମବାର)ଠାରୁ ଆରମ୍ଭ କରିବାକୁ ଯାଉଛି ଭିନ୍ନସ୍ୱାଦର ମେଗା ଧାରାବାହିକ ‘ଜ୍ୱାଇଁ ନଂ ୱାନ୍।’ ଏହାର ପ୍ରସାରଣ ସୋମବାରରୁ ଶନିବାର ରାତି ୯.୩୦।
ଏହି ଧାରାବାହିକର କାହାଣୀରେ ଅଛି ଅନେକ ନୂତନତା, କୌତୁହଳ ଯାହା ଦର୍ଶକଙ୍କୁ ପ୍ରଭାବିତ କରିବ। କାହାଣୀର ନାୟକ ଜଣେ ଧନୀ ବ୍ୟବସାୟୀ, ଯାହାଙ୍କ ବ୍ୟକ୍ତିତ୍ୱ ତାଙ୍କ ଚରିତ୍ରକୁ ଦର୍ଶାଏ। ତାଙ୍କ ଚଳଣି ଜଣେ ସାଧାରଣ ମଣିଷ ପରି। ପରିସ୍ଥିତିକ୍ରମେ ତାଙ୍କୁ ମିଳେ ଜଣେ ଅହଂକାରୀ ଧନୀ ଶାଶୂଟିଏ। ଯିଏ କେବଳ ପ୍ରାଧାନ୍ୟ ଦିଅନ୍ତି ଟଙ୍କାକୁ। ସମ୍ପର୍କର ସଂଜ୍ଞା ତାଙ୍କ ପାଇଁ ତୁଚ୍ଛ। ତେବେ ତାଙ୍କ ଝିଅର ବ୍ୟକ୍ତିତ୍ୱ ସମ୍ପୂର୍ଣ୍ଣ ବିପରୀତ। ନିଜ ଶାଶୂଘରେ ଥିବା ତିକ୍ତତା ତଥା ନିଜ ଲୋକଙ୍କ ଭିତରେ ଥିବା ସମ୍ପର୍କର ଦୂରତାକୁ ଦୂର କରିବା ପାଲଟିଯାଏ ନାୟକଙ୍କ ମୂଳଲକ୍ଷ୍ୟ। କାହାଣୀର ପ୍ରମୁଖ ଚରିତ୍ରରେ ଅଭିନୟ କରିଛନ୍ତି ରାଜା, ଦେବୀକା, ତୃପ୍ତି ସିହ୍ନା, ପ୍ରିୟା ମହାପାତ୍ର, ଶୁଭ୍ରାଂଶୁ ଓ ଫ୍ଲୋରେନ୍ସ। ଏଥିସହ ଦର୍ଶକଙ୍କ ପସନ୍ଦକୁ ଗୁରୁତ୍ୱ ଦେଇ ଜୀ ସାର୍ଥକର ଜନପ୍ରିୟ ରିୟଲିଟି ଶୋ’ର ପ୍ରସାରଣ ସମୟରେ ପରିବର୍ତ୍ତନ ହୋଇଛି। ଡିଓଡି ସୁପର ମମ୍ସ ପ୍ରତି ସୋମବାରରୁ ଗୁରୁବାର ରାତି ୧୦ଟା ଓ ସାରେଗାମାପା ମେଗା ଚାଲେଞ୍ଜ ପ୍ରତି ଶୁକ୍ରବାର ଓ ଶନିବାର ରାତି ୧୦ଟାରେ ପ୍ରସାରିତ ହେବ।
ଆଜିଠାରୁ ଜୀ ସାର୍ଥକର ‘ଜ୍ୱାଇଁ ନଂ ୱାନ୍’
Popular Categories
Previous article
Next article