ଗଞ୍ଜାମ: ଏନକାଉଣ୍ଟରରେ ଜଣେ ଦୁର୍ଦ୍ଦାନ୍ତ ଅପରାଧୀ ଆହତ ହୋଇଛି। ଅପରାଧୀ ହେଉଛି ଜିତୁ ସ୍ବାଇଁ। ସୋମବାର ବିଳମ୍ବିତ ରାତିରେ ଗଞ୍ଜାମର ହିଞ୍ଜିଳିକାଟୁ-ଶେରଗଡ ରାସ୍ତାର ଡେଙ୍ଗାପଦାର ଛକରେ ଏହି ଏନକାଉଣ୍ଟର ହୋଇଛି। ପୁଲିସ ଏନକାଉଣ୍ଟରରେ ଜିତୁର ଡାହାଣ ଗୋଡରେ ଗୁଳି ବାଜିଛି। ତାକୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଏମକେସିଜି ହସପିଟାଲରେ ଭର୍ତ୍ତି କରାଯାଇଛି। ଅଭିଯୁକ୍ତଙ୍କ ନାମରେ ବିଭିନ୍ନ ଥାନାରେ ଅପରାଧିକ ମାମଲା ରହିଥିବାର ଜଣାପଡିଛି।
ସୂଚନାଯୋଗ୍ୟ ଯେ, ସୋମବାର ରାତିରେ ଜିତୁ ଏକ ବାଇକରେ ହିଞ୍ଜିଳିକାଟୁରୁ ଶେରଗଡ ଯାଉଥିଲା। ଏ ସମ୍ପର୍କରେ ଖବର ପାଇ ଜିତୁକୁ ଧରିବା ପୁଲିସ ଜାଲ ବିଛାଇଥିଲା। ଶେରଗଡ ନିକଟର ଜିତୁ ଖସି ପଳାଇବାକୁ ଉଦ୍ୟମ କରି ପୁଲିସ ଉପରକୁ ଗୁଳି ଚାଳନା କରିଥିଲା। ପୁଲିସର ପାଲଟା ଗୁଳିରେ ଜିତୁ ଆହତ ହୋଇଥିଲା। ତା ନିକଟରୁ ଗୋଟିଏ ମାଉଜର, ମୋବାଇଲ ଫୋନ ଓ ବାଇକ ଜବତ କରାଯାଇଛି। ତାଙ୍କ ନାମରେ ଗଞ୍ଜାମ, ଖୋର୍ଦ୍ଧା ଓ ଭୁବନେଶ୍ବରର ଥାନାରେ ଅନେକ ଅପରାଧିକ ମାମଲା ରହିଛି।