ପୁରୀ – ମାଟିତଳେ ଗୁପ୍ତଧନ ଏମିତି ସନ୍ଦେହରେ ମେଟାଲ ଡିକ୍ଟେକ୍ଟରରେ ଏମାର ମଠ ଯାଞ୍ଚ କରାଯାଇଥିଲା । କେତକସ୍ଥାନରେ ରୂପା ଇଟା ଥିବା ସନ୍ଦେହ କରାଯାଇଥିଲା । ପରେ ଏମାର ମଠ ଖୋଳାଯାଇଥିଲା । ମାତ୍ର ସେଠାରୁ ରୂପା ବଦଳରେ ଲୁହା ଖଣ୍ଡ ମିଳିଛି । ଟିକିନିଖି ଯାଞ୍ଚ ପରେ ଏମାର ମଠ ପରିସରକୁ ଉପଜିଲ୍ଲାପାଳ, ଉଚ୍ଚପଦସ୍ଥ ପୁଲିସ୍ ଅଧିକାରୀ, ମାଜିଷ୍ଟ୍ରେଟ୍, ଶ୍ରୀମନ୍ଦିର ପ୍ରଶାସନର ଅଧିକାରୀ ଏବଂ ଟ୍ରଷ୍ଟବୋର୍ଡ ସଦସ୍ୟଙ୍କ ଉପସ୍ଥିତିରେ ଖୋଳାଯାଇଥିଲା । ସେଠାରୁ ଏକ ଲୁହା ଖଣ୍ଡ ମିଳିଥିଲା । ଏହାପରେ ଅନ୍ୟ ସ୍ଥାନକୁ ଖୋଳାଯିବ ବୋଲି ସୂଚନା ମିଳିଛି ।
ଏହା ଓଡ଼ିଶାର ସବୁଠାରୁ ବଡ ଏବଂ ଧନୀ ମଠ ଥିଲା । ଗତବର୍ଷ ଅଗଷ୍ଟ ୧୬ ତାରିଖରେ ଏମାର ମଠରେ ଗୁପ୍ତଧନ ଥିବା ସନ୍ଦେହ କରାଯାଇ ମେଟାଲ ଡିକ୍ଟେକ୍ଟରରେ ଯାଞ୍ଚ କରାଯାଇଥିଲା । ମାତ୍ର ଶୁକ୍ରବାରରେ ଉଚ୍ଚକ୍ଷମତା ବିଶିଷ୍ଟ ମେଟାଲ ଡିକ୍ଟେକ୍ଟର ବ୍ୟବହାର କରାଯାଇଥିଲା । ପୂର୍ବରୁ ୨୦୧୧ ମସିହାରେ ଏଠାରୁ ୫୨୨ ଖଣ୍ଡ ଏବଂ ଗତ ବର୍ଷ ୪୫ ଖଣ୍ଡ ରୂପା ଇଟା ମିଳିଥିଲା। ଏମାର ମଠରେ ଅଧିକ ଗୁପ୍ତଧନ ଥିବା ଆଶଙ୍କା କରାଯାଇ ଏହାର ଯାଞ୍ଚ କରାଯିବା ସହ ଖୋଳାଯାଉଛି ।
Comments are closed.