ପଥରମୁଣ୍ଡା ଗାଁରେ ହାତୀ ଆତଙ୍କ ; ଅଳ୍ପକେ ବର୍ତ୍ତିଲେ ପରିବାର, ଖାଦ୍ୟ ଅନ୍ୱେଷଣରେ ଭଙ୍ଗାରୁଜା

ଆଗଲପୁର : ଆଗଲପୁର ବ୍ଲକ ଅନ୍ତର୍ଗତ ଝରଣିପାଲି ପଞ୍ଚାୟତ ଅଧିନସ୍ଥ ପଥରମୁଣ୍ଡା ଗ୍ରାମର ଟଙ୍ଗେୁନୁ ପାଣ୍ଡେଙ୍କ ପରିବାର ହାତୀ ଆକ୍ରମଣରୁ ଅଳ୍ପକେ ବର୍ତ୍ତି ଯାଇଛନ୍ତି।

ସୂଚନା ଅନୁସାରେ, ଆଜି(ବୁଧୁବାର) ଭୋର ୫ ଟା ସମୟରେ ଟେଙ୍ଗୁନୁ ଉଠି ଶୌଚ କରିବାକୁ ଯିବା ସମୟରେ ଘରର ଅଳ୍ପ କିଛି ଦୂରରେ ହାତୀ ରହିଥିବାର ଦେଖିବାକୁ ପାଇଥିଲେ। ଏହା ଦେଖି ସେ ଘରକୁ ଫେରି ଆସିଥିଲେ। ତାଙ୍କ ପରିବାର ସମସ୍ତ ସଦସ୍ୟ ଘର ଛାଡି ଚାଲିଯାଇଥିଲେ। ଏହାପର ହାତୀ ସିଧାସଳଖ ଟେଙ୍ଗୁନୁଙ୍କ ଘରକୁ ଯାଇ ଘରେ ଲାଗିଥିବା ଗ୍ରୀଲ କବାଟ ଗୁଡିକ ଭାଙ୍ଗି ଘର ଭିତରକୁ ପଶିଯାଇ ଘରରେ ଥିବା ଟିଭି, କୁଲର ତଥା ଅନେକ ଘରକରଣା ଜିନିଷ ଭାଙ୍ଗି ଚୁରମାର କରିଦେଇଛି। ଘରକୁ ପଶିବା ପରେ ଗ୍ରାମବାସୀ ଭୟବୀତ ହୋଇ ଅନ୍ୟ ଘରମାନଙ୍କୁ ପ୍ରବେଶ କରିବା ଆଶଙ୍କା କରିଥିଲେ। ସମସ୍ତେ ଏକତ୍ର ହୋଇ ହାତୀକୁ ଘଉଡାଇଥିଲେ। କିନ୍ତୁ ଏହି ହାତୀ ଆକ୍ରମଣରେ କୌଣସି ଲୋକଙ୍କ କ୍ଷତି ହୋଇ ନଥିବା ଗ୍ରାମବାସୀ ସୂଚନା ଦେଇଛନ୍ତି। ହାତୀକୁ ଘଉଡାଇବା ପରେ ନିକଟରେ ଥିବା ଖଲିଆପଲି ସରକାରୀ ବିଦ୍ୟାଳୟର ଅଫିସ ଗୃହର କବାଟ ଭାଙ୍ଗି ଅଫିସ ଗୃହକୁ ପ୍ରବେଶ କରିଥିଲା ହାତୀ। ଭିତରେ ଥିବା ଚୌକି, ଟେବୁଲ ଭାଙ୍ଗିଦେଇଥିବା ଦେଖିବାକୁ ମିଲିଥିଲା। ଲୋକଙ୍କ ସୂଚନା ଅନୁସାରେ, ଏବେ ଜଙ୍ଗଲରେ ଖାଇବାକୁ ନପାଇ ଓ କ୍ଷେତମାନଙ୍କରେ ଧାନ ଫସଳ ନଥିବାରୁ ହାତୀଗୁଡିକ ବିଭିନ୍ନ ଗ୍ରାମକୁ ଖାଦ୍ୟ ଅନ୍ୱେଷଣରେ ଯାଉଥିବା ଅନୁମାନ କରାଯାଉଛି। ଏଣୁ ବନବିଭାଗ ପକ୍ଷରୁ ଏହାର ଆବଶ୍ୟକ ପଦକ୍ଷେପ ଗ୍ରହଣ କରି ହାତୀ ଘଉଡାଇବା ପାଇଁ ଅଞ୍ଚଳବାସୀ ଦାବି କରିଛନ୍ତି।

Comments
Loading...