ସାହାରପଡା ବନାଞ୍ଚଳରେ ଝାଡ଼ଖଣ୍ଡି ହାତୀପଲଙ୍କ ଉପଦ୍ରବ ; ନଷ୍ଟ କଲେ ଏକର ଏକର ଧାନ ଫସଲ

ପାଟଣା : କେନ୍ଦୁଝର ଜିଲ୍ଲା ପାଟଣା ବନାଞ୍ଚଳ ସାହାରପଡା ବିଭାଗ ଉଦୟପୁର ଅଞ୍ଚଳରେ ଗତ ଦୁଇ ଦିନ ଧରି ୨୨ ଟିକିଆ ହାତୀପଲ ପଶି ଅଞ୍ଚଳରେ ବ୍ୟାପକ ଉପଦ୍ରବ ଚଳାଇଛନ୍ତି । ଏହି ହାତୀପଲ କରଞ୍ଜିଆ ବନାଞ୍ଚଳ ସାନଦେଉଳି ପଟୁ ଦେଓ ନଦୀ ପାର ହୋଇ ବାଇକଳା , ଗୋଜିଟାଙ୍ଗର ଆଦି ଗ୍ରାମରେ ଏକର ଏକର ଧାନ ଫସଲ ମାଡି ଦଳି ନଷ୍ଟ କରିଛନ୍ତି । ଏହି ହାତୀ ଉପଦ୍ରବରେ ବାଇକଳା ଗ୍ରାମ ଜଟିଆ ହୁଡି ସାହିର ବହୁ ଲୋକଙ୍କ ଧାନ ଫସଲ ଖାଇବା ସହ ଦଳି ଚକଟି ନଷ୍ଟ କରିଛନ୍ତି।

ଜଗେନ୍ଦ୍ର ନାଥ ହାଲଦା, ଅମ୍ବର ନାଥ ନାଏକ, ଶମ୍ଭୁ ନାଥ ନାୟକ, ବାଳାକୃଷ୍ଣ କାଲୁଣ୍ଡିଆ , ଗୋପୀନାଥ ମୁଣ୍ଡା ଓ ରଣଜିତ ମହାନ୍ତଙ୍କ ଧାନ ଫସଲ ନଷ୍ଟ କରିଛନ୍ତି । ତେବେ ଗାଁ ନିକଟରେ ହାତୀପଲ ରହିଥିବାରୁ ଲୋକେ ଆତଙ୍କିତ ହୋଇ ପଡିଛନ୍ତି । ବନ ବିଭାଗ ହାତୀପଲ ଘଉଡାଇବା କାର୍ୟ୍ୟ ରେ ନିୟୋଜିତ ଥିବା ଓ ହାତୀପଲ ପଲ ର ଗତିବିଧି ଉପରେ ନଜର ରଖାଯାଇଥିବା ପାଟଣା ବନାଞ୍ଚଳ ଅଧିକାରୀ ଟିକେଶ୍ବର ମହାନ୍ତ ସୂଚନା ଦେଇଛନ୍ତି । ତେବେ ଅଞ୍ଚଳରେ କ୍ଷୟକ୍ଷତି ଆକଳନ କରି କ୍ଷତିଗ୍ରସ୍ତ ଚାଷୀଙ୍କୁ କ୍ଷତିପୂରଣ ଦେବାକୁ ସାଧାରଣ ରେ ମତ ପ୍ରକାଶ ପାଇଛି।

Comments
Loading...