ଗୋବିନ୍ଦନଗର ପଂଚାୟତ ରେ ୧୫ ଟିକିଆ ବଣୁଆ ହାତୀ

ଚିକିଟି : ଜଙ୍ଗଲ ଲଣ୍ଡା , ନିଆଁରେ ଧ୍ୱଂସାଭିମୁଖୀ , ଜଳ ଓ ଖାଦ୍ୟ ଅଭାବରେ ଗାଁ ମୁହାଁ ବନ୍ୟଜନ୍ତୁ। ଏବେ ଗାଁ ମୁହାଁ ହୋଇଛନ୍ତି ବଣୁଆ ହାତୀ। ଗୋବିନ୍ଦ ନଗର ପଂଚାୟତର କିଶୋରଚନ୍ଦ୍ର ପୁର, ଝରପାଲି, ପନାଡ଼ ଆଦି ଗ୍ରାମ ଗୁଡିକରେ ବଣୁଆ ହାତୀ ଉପଦ୍ରଵ ଦେଖାଯାଇଛି l ଗତ ରାତିରେ ଟାମଣା ଜଙ୍ଗଲ ପଟୁ ୧୫ଟି ବଣୁଆ ହାତୀ ଆସିଥିବା ଚିକିଟି ବନ ବିଭାଗ ତରଫରୁ ଜଣାପଡିଛି l ଆଜି ଏହି ହାତୀ ପଲ ଆମ୍ବ,, କଦଳୀ ଗଛ ଗୁଡିକ ନଷ୍ଟ କରୁଥିବା ସୂଚନା ମିଳିଛି l ହାତୀ ଉପଦ୍ରବରେ ଅଞ୍ଚଳ ବାସୀ ଭୟଭୀତ ହୋଇପଡିଛନ୍ତି । ଆଜି ସନ୍ଧ୍ୟାରୁ ଏହି ଗାଁ ମାନଙ୍କରେ ତାଟି କବାଟ ପଡିଯାଇଛି। ହାତୀ ଘଉଡ଼ାଇଵା ପାଇଁ ବନ କର୍ମଚାରୀ ପହଞ୍ଚିଛନ୍ତି l ବର୍ତ୍ତମାନ ସୁଦ୍ଧା ସମ୍ପୂର୍ଣ କ୍ଷୟକ୍ଷତିର ବିବରଣୀ ମିଳିନାହିଁ ।

Comments
Loading...