ନିର୍ବାଚନ କର୍ମଚାରୀ ନେବେ ଟିକା : ଇସି

ନୂଆଦିଲ୍ଲୀ : ନିର୍ବାଚନ କାର୍ଯ୍ୟରେ ନିୟୋଜିତ ହେବାକୁ ଥିବା କର୍ମଚାରୀଙ୍କୁ କରୋନା ଯୋଦ୍ଧା ଭାବେ ବିବେଚିତ କରାଯିବ ଓ ସେମାନଙ୍କୁ ଅଗ୍ରାଧିକାର ଭିତ୍ତିରେ ଟିକା ଦିଆଯିବ ବୋଲି ନିର୍ବାଚନ ଆୟୋଗ (ଇସି) କହିଛନ୍ତି। ଶୁକ୍ରବାର ୪ ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳର ନିର୍ବାଚନ କାର୍ଯ୍ୟସୂଚୀ ଘୋଷଣା ସମୟରେ ମୁଖ୍ୟ ନିର୍ବାଚନ ଆୟୁକ୍ତ ସୁନିଲ ଅରୋରା କହିଛନ୍ତି ଯେ କରୋନା କଟକଣା ମଧ୍ୟରେ ନିର୍ବାଚନ ଅନୁଷ୍ଠିତ ହେବ। ମହାମାରୀ ଯୋଗୁଁ ମତଦାନ ଅବଧିକୁ ଗୋଟିଏ ଘଣ୍ଟା ବୃଦ୍ଧି କରାଯାଇଛି। ନାମାଙ୍କନପତ୍ର ଦାଖଲ ସମୟରେ ପ୍ରାର୍ଥୀଙ୍କ ସହିତ ସର୍ବାଧିକ ଦୁଇ ଜଣଙ୍କୁ ରହିବା ପାଇଁ ଅନୁମତି ମିଳିବ। ପ୍ରଚାରବେଳେ ଏକାକାଳୀନ ସର୍ବାଧିକ ୫ଜଣ ସାମିଲ ହୋଇପାରିବେ। କରୋନା ସମୟରେ ବିହାର ପରେ ଆଗାମୀ ନିର୍ବାଚନ ହେଉଛି ବ୍ୟାପକ ଓ ମହତ୍ତ୍ବପୂର୍ଣ୍ଣ। ସେଥିପାଇଁ କରୋନା କଟକଣା ଉପରେ ଆୟୋଗ ସର୍ବାଧିକ ଗୁରୁତ୍ବ ଦେଉଥିବା ଅରୋରା କହିଛନ୍ତି।

Comments are closed.