ନନ୍ଦିଗ୍ରାମରେ ନିର୍ବାଚନୀ ହୋର୍ଡିଂ; ଲେଖାଅଛି, ମମତା ‘ବାହାର ଲୋକ’

ପଶ୍ଚିମବଙ୍ଗରେ ବିଧାନସଭା ନିର୍ବାଚନ ପାଇଁ ପ୍ରକ୍ରିୟା ଆରମ୍ଭ ହୋଇଯାଇଥିବା ବେଳେ ଧୀରେ ଧୀରେ ନିର୍ବାଚନୀ ଉଷ୍ମତା ବୃଦ୍ଧି ପାଇବାରେ ଲାଗିଛି। ଆଜି ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ ମୁଖ୍ୟ ମମତା ବାନାର୍ଜୀ ନନ୍ଦିଗ୍ରାମରେ ପ୍ରାର୍ଥୀପତ୍ର ଦାଖଲ କରିବାକୁ ଥିବା ବେଳେ ସେ ନନ୍ଦିଗ୍ରାମରେ ରହୁଥିବା ସ୍ଥାନ ବାହାରେ ‘ମମତା ବାହାର ଲୋକ’ ଲେଖାଥିବା ହୋର୍ଡ଼ିଂ ଲଗାଯାଇଥିବା ଦେଖିବାକୁ ମିଳିଛି। ହୋର୍ଡ଼ିଂରେ ଲେଖା ଅଛି, ‘ନନ୍ଦିଗ୍ରାମ, ମେଦିନାପୁର ନିଜ ପୁଅ ଚାହୁଁଛି, ବାହାର ଲୋକ ନୁହେଁ’। ତୃଣମୂଳ କଂଗ୍ରେସ ମୁଖ୍ୟ ଗତ ୫ରେ ଘୋଷଣା କରିଥିଲେ ଯେ ସେ ନନ୍ଦିଗ୍ରାମରୁ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବେ।

ଅନ୍ୟପକ୍ଷରେ ମାର୍ଚ୍ଚ ୬ରେ ଭାରତୀୟ ଜନତା ପାର୍ଟି ପୂର୍ବତନ ଟିଏମସି ନେତା ଶୁଭେନ୍ଦୁ ଅଧିକାରୀଙ୍କୁ ମମତା ବାନାର୍ଜୀଙ୍କ ବିରୋଧରେ ପ୍ରତିଦ୍ବନ୍ଦିତା କରିବା ପାଇଁ ନିଷ୍ପତ୍ତି ହୋଇଥିଲା। ଟିଏମସି ସରକାରର ଏହି ପୂର୍ବତନ ମନ୍ତ୍ରୀ ଅଧିକାରୀ ଗତ ବର୍ଷ ଡିସେମ୍ବରରେ ବିଜେପିରେ ଯୋଗ ଦେଇଥିଲେ। ସେ ପୂର୍ବରୁ କହିଥିଲେ ଯେ ନନ୍ଦିଗ୍ରାମରେ ବିଜେପି ୫୦ ହଜାରରୁ ଅଧିକ ଭୋଟରେ ଟିଏମସିକୁ ପରାସ୍ତ କରିବ।

ଗତକାଲି ମମତା ବାନାର୍ଜୀ ନନ୍ଦିଗ୍ରାମ ଆସନ ପାଇଁ ନିଜର ମତଦାନ ଅଭିଯାନ ଆରମ୍ଭ କରିଥିବା ବେଳେ ଚଣ୍ଡୀ ପାଠ କରି କହିଥିଲେ ଯେ ମତଦାନ ଦିନ ଲୋକମାନେ ବିଜେପିକୁ ‘ଏପ୍ରିଲ ଫୁଲ’ କରିବେ ବୋଲି କହିଥିଲେ। ସେ କହିଥିଲେ, ‘କିଛି ଲୋକ ମୋତେ ନନ୍ଦିଗ୍ରାମରେ ଜଣେ ବାହାର ଲୋକ ବୋଲି କହୁଛନ୍ତି। ମୁଁ ପଡୋଶୀ ବୀରଭୂମ ଜିଲ୍ଲାରେ ଜନ୍ମ ହୋଇ ବଢିଥିଲି। ଆଜି ମୁଁ କେମିତି ଜଣେ ବାହାର ଲୋକ ହୋଇଗଲି ଏବଂ ଗୁଜୁରାଟରୁ ଆସୁଥିବା ଲୋକମାନେ ଏଠାକାର ହୋଇଗଲେ?

Comments
Loading...