କେନ୍ଦ୍ରାପଡ଼ା : ପାରିବାରିକ କଳହର କରୁଣ ପରିଣତି ଦେଖିବାକୁ ମିଳିଛି । ସାନ ଭାଇ ଓ ଭାଇବୋହୂଙ୍କୁ ବାନ୍ଧି ବିଚ୍ ରାସ୍ତାରେ ମାଡ ମାରିବା ଅଭିଯୋଗରେ ବଡଭାଇକୁ ପୁଲିସ ଥାନାରେ ଅଟକ ରଖିଛି । କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ଥାନା ଅନ୍ତର୍ଗତ ରାମକଣି ଗାଁରେ ଜମିବାଡ଼ି ବିବାଦକୁ କେନ୍ଦ୍ର କରି ଏଭଳି ଅଭାବନୀୟ ଘଟଣା ଘଟିଛି ।
ସୂଚନାଯୋଗ୍ୟ, ଉକ୍ତ ଗ୍ରାମର ବିଜୟ ବେହେରା ଓ ତାଙ୍କ ସାନ ଭାଇ ଅଜୟ ବେହେରାଙ୍କ ମଧ୍ୟରେ ପ୍ରାୟ ୧୫ ବର୍ଷ ଧରି ଜମି ବିବାଦ ଲାଗି ରହିଥିଲା। ଶୁକ୍ରବାର ସକାଳେ ବଡ ଭାଇ ବିଜୟ ନୂଆଘର ତିଆରି କରୁଥିବା ବେଳେ ସାନ ଭାଇ ଅଜୟ ଏହାକୁ ବିରୋଧ କରିଥିଲେ। ଏହାସହ ବାପାଙ୍କୁ ମଧ୍ୟ ଅକ୍ରମଣ କରିଥିଲେ। ଏଥିରେ ବଡ଼ ଭାଇ ବିଜୟ, ତାଙ୍କ ସ୍ତ୍ରୀ ଓ ପୁଅ ଉତ୍ତ୍ୟକ୍ତ ହୋଇ ସାନ ଭାଇ ଅଜୟକୁ ମାଡ ମାରିଥିଲେ । ଅଜୟଙ୍କ ସ୍ତ୍ରୀ ଏହାକୁ ବିରୋଧ କରିବାରୁ ସେମାନେ ତାକୁ ବି ଛାଡି ନଥିଲେ । ଗାଁ ଦାଣ୍ଡରେ ଉଭୟ ସ୍ବାମୀ ସ୍ତ୍ରୀ ଉଭୟଙ୍କୁ ରଶିରେ ବାନ୍ଧି ମାଡ ମାରିଥିଲେ । ଗାଁ ଲୋକ ଏହାକୁ ବିରୋଧ କରିବାରୁ ବିଜୟଙ୍କ ପୁଅ ସେମାନଙ୍କୁ ଅସଭ୍ୟ ଭାଷାରେ ଗାଳିଗୁଲଜ କରିଥିଲା ବୋଲି ସ୍ଥାନୀୟଲୋକେ ଅଭିଯୋଗ କରିଛନ୍ତି । ପରେ ଗ୍ରାମବାସୀଙ୍କ ଠାରୁ ଖବର ପାଇଁ ଘଟଣାସ୍ଥଳରେ ପୁଲିସ ପହଞ୍ଚି ବଡ ଭାଇ ବିଜୟ ଓ ତାଙ୍କ ପୁଅକୁ ଥାନାକୁ ଉଠାଇ ନେଇ ଅଟକ ରଖିଛି । ସାନ ଭାଇ ଅଜୟକୁ ଗୁରୁତର ଅବସ୍ଥାରେ ନିକଟସ୍ଥ ଡାକ୍ତଖାନାରେ ଭର୍ତ୍ତି କରାଯାଇଛି ।
Comments are closed.