ଆଜି ଏକାଦଶୀରେ ନିଶ୍ଚୟ କରନ୍ତୁ ଏହି କାର୍ଯ୍ୟ ; ମିଳିବ ଶୁଭଫଳ

ଆଜି ପଙ୍କୋଦ୍ଧାର ଏକାଦଶୀ। ଏହି ଦିନରେ ବିଜୟା ଏକାଦଶୀ ବ୍ରତ ମଧ୍ୟ ପାଳନ କରାଯାଏ। ହିନ୍ଦୁ ଶାସ୍ତ୍ର ଅନୁଯାୟୀ, ଫାଲଗୁନ କୃଷ୍ଣ ପକ୍ଷର ଏକାଦଶୀରେ ଏହି ବ୍ରତ ପାଳନ କରାଯାଏ। ଏହାର ଖୁବ ମହତ୍ତ୍ୱ ରହିଛି। ଧାର୍ମିକ ମାନ୍ୟତା ଅନୁଯାୟୀ, ଯେକୌଣସି ବ୍ୟକ୍ତି ନିଷ୍ଠାର ସହ ପବିତ୍ର ମନରେ ଏହି ବ୍ରତର ପାଳନ କଲେ ଭଗବାନ ବିଷ୍ଣୁଙ୍କ ଅଶେଷ କୃପା ମିଳିବା ସହ ସମସ୍ତ ପ୍ରକାର ମନସ୍କାମନା ପୂରଣ ହୋଇଥାଏ। ସମସ୍ତ କ୍ଷେତ୍ରରେ ବିଜୟ ପ୍ରାପ୍ତି ହୋଇଥାଏ। ଶାସ୍ତ୍ରରେ ଅନୁଯାୟୀ ଆଜି ଦିନରେ କିଛି ବିଶେଷ ଉପାୟ କରିବା ଦ୍ୱାରା ଶୁଭଫଳ ପ୍ରାପ୍ତି ହୋଇଥାଏ। ଜାଣନ୍ତୁ………
ବିଜୟା ଏକାଦଶୀରେ ସନ୍ଧ୍ୟା ସମୟରେ ମା’ବୃନ୍ଦାବତୀଙ୍କ ନିକଟରେ ଗାଈ ଘିଅରେ ଦୀପ ଲଗାଇ, ଓଁ ବାସୁଦେବାୟ ନମଃ ମନ୍ତ୍ର ଜପ କରନ୍ତୁ।ଏହାସହ ୧୧ ଥର ପରିକ୍ରମା କରନ୍ତୁ। ଏହାଦ୍ୱାରା ଘରେ ସର୍ବଦା ସୁଖଶାନ୍ତି ରହିବା ସହ ଘରର ସମସ୍ତ ବାଧାବିଘ୍ନ ଦୂର ହୋଇଥାଏ।
ଏହଦିନ ଭଗବାନ ବିଷ୍ଣୁଙ୍କୁ ହଳଦିଆ ରଙ୍ଗର ଫୁଲ ଅର୍ପଣ କରନ୍ତୁ।ପ୍ରଭୁଙ୍କୁ ଏହି ଫୁଲ ଖୁବ ପ୍ରିୟ। ଏହାଦ୍ୱାରା ଆପଣଙ୍କ ସମସ୍ତ ମନସ୍କାମନା ପୂରଣ ହୋଇଥାଏ।
ଏହି ଦିନ ଅଶ୍ୱତ୍ଥ ବୃକ୍ଷରେ ଜଳ ଅର୍ପଣ କରନ୍ତୁ। ଏହାଦ୍ୱାରା ଆର୍ଥିକ କ୍ଷେତ୍ରରେ ଉନ୍ନତି ହୋଇଥାଏ।
ଏହି ଦିନ ହଳଦିଆ ରଙ୍ଗର ଫଳ, ପୋଷାକ, ହଳଦୀ ମିଶ୍ରିତ ଚାଉଳ, ଭଗବାନ ବିଷ୍ଣୁଙ୍କୁ ଅର୍ପଣ କରନ୍ତୁ।ଏହାପରେ ଏହି ଜିନିଷକୁ ଅସହାୟ ବ୍ୟକ୍ତିଙ୍କୁ ଦାନ କରନ୍ତୁ। ଏହାଦ୍ୱାରା ପ୍ରଭୁଙ୍କ ବିଶେଷ କୃପା ମିଳିଥାଏ।
ଏହିଦିନ ପ୍ରଭୁ ବିଷ୍ଣୁଙ୍କ ନିକଟରେ ଖିରୀ ଭୋଗ କରନ୍ତୁ। ଖିରୀରେ ତୁଳସୀ ପତ୍ର ନିଶ୍ଚୟ ପକାନ୍ତୁ।ଏହା ଦ୍ୱାରା ଘରେ ସର୍ବଦା ସୁଖଶାନ୍ତି ରହିବା ପରିବାର ସଦସ୍ୟଙ୍କ ସହ ସ୍ନେହ ଓ ଭଲ ପାଇବା ରହିଥାଏ।

Comments
Loading...