ମହାରାଷ୍ଟ୍ରରେ ମୁସଲିମଙ୍କ ପାଇଁ ୫% ସଂରକ୍ଷଣ ଦାବି

0

ମୁମ୍ବଇ: ମହାରାଷ୍ଟ୍ରରେ ଶିକ୍ଷା କ୍ଷେତ୍ରରେ ମୁସଲମାନଙ୍କ ପାଇଁ ୫% ସଂରକ୍ଷଣ ବ୍ୟବସ୍ଥା କରିବାକୁ ନ୍ୟାଶ୍‍ନାଲ୍‍ କଂଗ୍ରେସ ପାର୍ଟି(ଏନ୍‍ସିପି) ଦାବି କରିଛି। ଏହି ମର୍ମରେ ଏନ୍‍ସିପି ନେତା ମାଜିଦ୍‍ ମେମୋନ୍‍ ମଙ୍ଗଳବାର ଦିନ ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଦ୍‍ନାଭିସ୍‍ଙ୍କ ନିକଟକୁ ପତ୍ର ଲେଖିଛନ୍ତି। ଏବେ ମହାରାଷ୍ଟ୍ରରେ ମରାଠା ସଂରକ୍ଷଣ ତାତି ଜୋର ଧରିଥିବା ବେଳେ ଏନ୍‍ସିପି ପକ୍ଷରୁ ଏହି ଦାବି ଉଠାଯାଇଛି।
ଫଦ୍‍ନାଭିସଙ୍କୁ ଲେଖିଥିବା ପତ୍ରରେ ମେମୋନ୍‍ ଉଲ୍ଳେଖ କରିଛନ୍ତି ଯେ ସାଚାର କମିଟି ରିପୋର୍ଟ ଆଧାରରେ ବମ୍ବେ ହାଇକୋର୍ଟ ମୁସଲମାନଙ୍କ ପାଇଁ ଶିକ୍ଷା କ୍ଷେତ୍ରରେ ୫% ଆସନ ସଂରକ୍ଷଣ କରିିବାକୁ ରାୟ ଦେଇଥିଲେ। ତେଣୁ ସେହି ଆଧାରରେ ରାଜ୍ୟରେ ମୁସଲମାନଙ୍କ ପାଇଁ ସଂରକ୍ଷଣ ଲାଗୁ ହେବା ଆବଶ୍ୟକ ବୋଲି ମେମୋନ କହିଛନ୍ତି। ଏହାଦ୍ୱାରା ସମାଜର ଶିକ୍ଷା ଓ ଆର୍ଥିକ କ୍ଷେତ୍ରରେ ଥିବା ବୈଷମ୍ୟ ଦୂର ହୋଇପାରିବ ବୋଲି ସେ କହିଛନ୍ତି। ମରାଠାମାନଙ୍କ ସଂରକ୍ଷଣ ଦାବି ପ୍ରସଙ୍ଗରେ ନିଷ୍ପତ୍ତି ସମୟରେ ମୁସଲମାନ ସମ୍ପ୍ରଦାୟଙ୍କ ସଂରକ୍ଷଣ ପ୍ରସଙ୍ଗ ବିଚାରକୁ ନେବାକୁ ମେମୋନ୍‍ ମୁଖ୍ୟମନ୍ତ୍ରୀ ଫଦ୍‍ନାଭିସ୍‍ଙ୍କୁ ଅନୁରୋଧ କରିଛନ୍ତି। ଏଥିସହିତ ସେ ମରାଠା ସଂରକ୍ଷଣ ଆନ୍ଦୋଳନକୁ ସମର୍ଥନ କରିଥିବା କହିଛନ୍ତି।

Comments
Loading...