ପ୍ରବର୍ତନ ନିର୍ଦେଶାଳୟରେ ହାଜର ହେଲେ ରିୟା- ଶୋଭିକ୍

ନୂଆଦିଲ୍ଲୀ: ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାର ତଦନ୍ତ କରୁଛନ୍ତି ସିବିଆଇ(କେନ୍ଦ୍ରୀୟ ତଦନ୍ତ ବ୍ୟୁରୋ) ଏବଂ ଇଡି(ପ୍ରବର୍ତ୍ତନ ନିର୍ଦେଶାଳୟ)। ଏହି ମାମଲାରେ ଇଡି ସୁଶାନ୍ତଙ୍କ ବାନ୍ଧବୀ ତଥା ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କୁ ଶୁକ୍ରବାର ହାଜର ହେବାକୁ ସମନ ଜାରି କରିଥିଲା। ଏହା ପରେ ରିୟା ଶୁକ୍ରବାର ଇଡିରେ ହାଜର ହୋଇଛନ୍ତି। ଇଡି ଅଧିକାରୀମାନେ ତାଙ୍କୁ ପଚରାଉଚରା କରୁଛନ୍ତି। ସେ ସୁଶାନ୍ତଙ୍କ ଆକାଉଣ୍ଟରୁ ୧୫ କୋଟି ଟଙ୍କା ହଡ଼ପ କରିଥିବା ଅଭିଯୋଗ ହୋଇଥିଲା।

ସୂଚନା ଅନୁସାରେ, ଇଡି ସମ୍ମୁଖରେ ହାଜର ହେବାକୁ ରିୟା ପ୍ରଥମେ ମନା କରିଦେଇଥିଲେ। ଏ ନେଇ ସେ ଇଡିକୁ ଏକ ମେଲ୍‌ କରି ଜଣାଇଥିଲେ ଯେ, ଯେପର୍ଯ୍ୟନ୍ତ ସୁପ୍ରିମକୋର୍ଟଙ୍କ ଶୁଣାଣି ଶେଷ ନ ହୋଇଛି, ସେ ପର୍ଯ୍ୟନ୍ତ ତାଙ୍କ ବୟାନ ରେକର୍ଡ କରା ନ ଯାଉ। ତେବେ ରିୟାଙ୍କ ଏହି ଆବେଦନକୁ ଇଡି ଖାରଜ କରିଦେଇଥିଲା। ଆଜି ଅର୍ଥାତ ଅଗଷ୍ଟ ୭ରେ ରିୟାଙ୍କୁ ଇଡି ନିକଟରେ ହାଜର ହେବାକୁ କୁହାଯାଇଥିଲା। ଏହା ପରେ ରିୟା ଇଡିରେ ହାଜର ହୋଇଛନ୍ତି।

Mumbai: Showik Chakraborty (in maroon t-shirt), brother of actor #RheaChakraborty, leaves Enforcement Directorate office. He is named in the FIR registered by CBI in #SushantSingRajput‘s death case.

Rhea’s statement is being recorded by the agency. https://t.co/VH8VNKKAFG pic.twitter.com/5PQO209vD8

— ANI (@ANI) August 7, 2020

ସୂଚନାଯୋଗ୍ୟ, ସୁଶାନ୍ତ ମୃତ୍ୟୁ ମାମଲାର ତଦନ୍ତ ମୁମ୍ବଇ ପୁଲିସ କରୁଥିଲାବେଳେ ଇଡି ନିଜ ଆଡୁ ଏହାର ଆର୍ଥିକ ଦିଗ ଉପରେ ନଦନ୍ତ ଆରମ୍ଭ କରିଦେଇଥିଲା। ଇଡିକୁ ସନ୍ଦେହ ହୋଇଥିଲା ଯେ ସୁଶାନ୍ତଙ୍କ ବ୍ୟାଙ୍କ ଆକାଉଣ୍ଟରୁ ରିୟା ତାଙ୍କ ଭାଇଙ୍କ ଜରିଆରେ ଟଙ୍କା ଉଠାଇଥିଲେ। ମୁମ୍ବଇର ଖାର୍‌ ସ୍ଥିତ ରିୟାଙ୍କ ଫ୍ଲାଟ୍‌ ଉପରେ ମଧ୍ୟ ଇଡି ସନ୍ଦେହବ୍ୟକ୍ତ କରିଛି। ତେଣୁ ଆର୍ଥିକ ଦିଗ ଉପରେ ଇଡି ତଦନ୍ତ ଜାରି ରଖିଛି। ସେହିପରି ରିୟାଙ୍କ ଭାଇ ସୋଭିକ୍ ମଧ୍ୟ ପ୍ରବର୍ତନ ନିର୍ଦେଶାଳୟରେ ହାଜର ହୋଇଛନ୍ତି । ତାଙ୍କୁ ପ୍ରାୟ ୨ ଘଣ୍ଟା ଜେରା କରାଯାଇଛି ।