ତବଲିଗୀ ଜମାତ ମାମଲା: ଦିଲ୍ଲୀ, ମୁମ୍ବାଇ ସହ ୨୦ ସ୍ଥାନରେ ପ୍ରବର୍ତନ ନିର୍ଦେଶାଳୟର ଚଢ଼ଉ

ମୁମ୍ବଇ: ତବଲିଗୀ ଜମାତ ମକରଜ ମାମଲାରେ ପ୍ରବର୍ତନ ନିର୍ଦେଶାଳୟ ମୁମ୍ବାଇ, ଦିଲ୍ଲୀ ସମେତ ଦେଶର ପ୍ରାୟ ୨୦ ସ୍ଥାନରେ ଚଢ଼ଉ କରିଛି । ମୌଲାନା ସାଦ୍ ଓ ଅନ୍ୟମାନଙ୍କ ବିରୋଧରେ ହୋଇଥିବା ମନ ଲଣ୍ଡରିଂ ମାମଲାରେ ଏହି ପଦକ୍ଷେପ ନିଆଯାଇଛି । ପ୍ରବର୍ତନ ନିର୍ଦେଶାଳୟର ଜଣେ ଉଚ୍ଚ ଅଧିକାରୀଙ୍କ ସୂଚନା ଅନୁସାରେ ଦିଲ୍ଲୀର ୭ଟି, ମୁମ୍ବାଇର ୫ଟି, ହାଇଦ୍ରାବାଦର ୪ ଓ କେରଳର ୩ଟି ସ୍ଥାନରେ ଚଢ଼ଉ କରାଯାଇଛି ।

ଦିଲ୍ଲୀର ଜାକିର ନଗର ଅଞ୍ଚଳରେ ମୌଲାନା ସାଦଙ୍କ ବାସଭବନରେ ଚଢ଼ଉ ହୋଇଛି । ସେହିପରି ତାଙ୍କର ସହଯୋଗୀ କୁହାଯାଉଥିବା ତଥା ମୁମ୍ବାଇର ଅନ୍ଧେରୀ ଅଞ୍ଚଳ, ଏସ୍.ଭି.ରୋଡ଼ ଅଞ୍ଚଳରେ କିଛି ସ୍ଥାନରେ ଯାଞ୍ଚ କରାଯାଇଛି । ଏ ସମ୍ପର୍କରେ ବିସ୍ତୃତ ସୂଚନା ଦେବା ପାଇଁ ଅଧିକାରୀମାନେ ମନା କରି ଦେଇଛନ୍ତି ।

ଗତ ଏପ୍ରିଲ ମାସରେ ଦିଲ୍ଲୀ ପୁଲିସ ମୌଲାନା ସାଦଙ୍କ ବିରୋଧରେ ଲକଡ଼ାଉନ ନିୟମ ଉଲ୍ଲଂଘନ ଅଭିଯୋଗ ଆଣିଥିଲା । ଏହାପରେ ପ୍ରବର୍ତନ ନିର୍ଦେଶାଳୟ ମନି ଲଣ୍ଡରିଂ ମାମଲା ରୁଜୁ କରିଥିଲା । ଏହି ମାମଲାରେ ଚଢ଼ଉ କରାଯାଇଥିବା ସୂଚନା ମିଳିଛି ।

Comments
Loading...