୫ ରାଜ୍ୟର ନିର୍ବାଚନ ତାରିଖ ଘୋଷିତ

0

ନୂଆଦିଲ୍ଳୀ: ଆସନ୍ତା ଡିସେମ୍ବର ମାସରେ କାର୍ଯ୍ୟକାଳ ପୂରଣ ହେବାକୁ ଯାଉଥିବା ଚାରିଟି ରାଜ୍ୟ ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ଼ ଓ ମିଜୋରାମ୍‍ ସମେତ ତେଲେଙ୍ଗାନା ବିଧାନସଭା ନିର୍ବାଚନ ତାରିଖ ଘୋଷଣା କରିଛନ୍ତି ଭାରତର ମୁଖ୍ୟ ନିର୍ବାଚନ ଆୟୋଗ। ନଭେମ୍ବର ୧୨ ତାରିଖରୁ ଛତିଶଗଡ଼ର ପ୍ରଥମ ପର୍ଯ୍ୟାୟ ମତଦାନ ସହିତ ଆରମ୍ଭ ହେବାକୁ ଯାଉଥିବା ନିର୍ବାଚନ ପ୍ର୍ରକ୍ରିୟା ଡିସେମ୍ବର ୧୧ରେ ଭୋଟ ଗଣତି ପରେ ସମାପ୍ତ ହେବ। ଶନିବାରଠାରୁ ଏହି ୫ ରାଜ୍ୟରେ ନିର୍ବାଚନ ଆଚରଣ ବିଧି କାର୍ଯ୍ୟକାରୀ ହୋଇଛି।
ଏକ ସାମ୍ବାଦିକ ସମ୍ମିଳନୀରେ ମୁଖ୍ୟ ନିର୍ବାଚନ ଆୟୁକ୍ତ ଓମ୍‍ ପ୍ରକାଶ ରାୱତ୍‍ଙ୍କ ସୂଚନା ଅନୁଯାୟୀ, ମଧ୍ୟପ୍ରଦେଶ, ରାଜସ୍ଥାନ, ତେଲେଙ୍ଗାନା ଓ ମିଜୋରାମ୍‍ରେ ଗୋଟିଏ ପର୍ଯ୍ୟାୟରେ ଭୋଟଦାନ ହେବ। ଛତିଶଗଡ଼ରେ ଦୁଇଟି ପର୍ଯ୍ୟାୟରେ ଭୋଟ ହେବ। ଛତିଶଗଡ଼ର ୧୮ଟି ବିଧାନସଭା ଆସନ ପାଇଁ ନଭେମ୍ବର ୧୨ ଓ ୭୨ଟି ବିଧାନସଭା ଆସନ ପାଇଁ ୨୦ ତାରିଖରେ ଭୋଟଦାନ ହେବ। ମଧ୍ୟପ୍ରଦେଶ ଓ ମିଜୋରାମ୍‍ରେ ନଭେମ୍ବର ୨୮ତାରିଖରେ ନିର୍ବାଚନ ହେବ। ରାଜସ୍ଥାନ ଓ ତେଲେଙ୍ଗାନାରେ ଡିସେମ୍ବର ୭ ତାରିଖରେ ନିର୍ବାଚନ ହେବ। ଡିସେମ୍ବର ୧୧ ତାରିଖରେ ଭୋଟ ଗଣତି ଓ ଫଳାଫଳ ଘୋଷଣା ହେବ।

Comments
Loading...