ଏହା ଆମେ ସମସ୍ତେ ଜାଣନ୍ତି ଯେ, ରସୁଣ ଖାଦ୍ୟର ସ୍ବାଦ ବୃଦ୍ଧି କରିବା ସହ ଶରୀର ପାଇଁ ଖୁବ୍ ଉପକାରୀ ସାବ୍ୟସ୍ତ ହୋଇଥାଏ। ଆୟୁର୍ବେଦ ଚିକିତ୍ସା ପଦ୍ଧତିରେ ରସୁଣରୁ ଔଷଧ ପ୍ରସ୍ତୁତ ହୋଇଥାଏ। ଅନେକ ସ୍ବାସ୍ଥ୍ୟ ସମସ୍ୟାର ରସୁଣ ଘରୋଇ ଉପଚାର ହୋଇଥାଏ। ବିଶେଷ କରି ଖାଲିପେଟରେ ରସୁଣ ଖାଇବା ଦ୍ୱାରା ଅନେକ ରୋଗରୁ ମୁକ୍ତି ମିଳିଥାଏ। ତେବେ ଆସନ୍ତୁ ଜାଣିବା ଖାଲିପେଟରେ ରସୁଣ ଖାଇବା ଦ୍ୱାରା ଆମକୁ କି ଲାଭ ମିଳିଥାଏ।
– ଯଦି ଆପଣଙ୍କର ରକ୍ତଚାପ ସମସ୍ୟା ଥାଏ, ତେବେ ଖାଲିପେଟରେ ୨ରୁ ୩ କୋଲା ରସୁଣ ଖାଆନ୍ତୁ। ରସୁଣରେ ରକ୍ତଚାପ ନିୟନ୍ତ୍ରଣ କ୍ଷମତା ଅଛି। ସକାଳୁ ଖାଲିପେଟରେ ରସୁଣ ଚୋବାଇ ଖାଇବା ଲାଭଦାୟକ ହୋଇଥାଏ।
– ଏହା ହୃଦୟ ସମ୍ବନ୍ଧୀୟ ସମସ୍ୟାକୁ ଦୂର କରିବା ସହ ହୃଦ୍ଘାତ ଆଶଙ୍କା ଦୂର କରିଥାଏ। ରସୁଣ ରକ୍ତ ଜମାଟ ହେବାକୁ ଦେଇ ନ ଥାଏ। ହୃଦରୋଗରୁ ବର୍ତ୍ତିବା ପାଇଁ ସକାଳୁ ଖାଲିପେଟରେ ରସୁଣ ଖାଇବା ଉଚିତ।
– ପେଟ ଓ ଗ୍ୟାସ୍ ସମସ୍ୟାରୁ ମୁକ୍ତି ପାଇବା ଲାଗି ଖାଲିପେଟରେ ରସୁଣ ଖାଆନ୍ତୁ।
– ଖାଲିପେଟରେ ରସୁଣ ଖାଇଲେ ଶୀଘ୍ର ଭୋକ ମଧ୍ୟ ଲାଗିଥାଏ। ଏହାସହ ପାଚନତନ୍ତ୍ର ଠିକ୍ ରହିଥାଏ।
Comments are closed.