ଦୁଶାନ୍ବେ: ତାଜାକିସ୍ତାନରେ ମଙ୍ଗଳବାର ଭୂମିକମ୍ପ ସୃଷ୍ଟି ହୋଇଛି। ଭାରତର କିଛି ଅଂଶରେ ଏହାର ଝଟ୍କା ଲାଗିଛି। ଭୂକମ୍ପ ଯୋଗୁ ଜାମ୍ମୁ-କାଶ୍ମୀର ମଧ୍ୟ ଥରିଉଠିଛି। ତାଜାକିସ୍ତାନ ରାଜଧାନୀ ଦୁଶାନ୍ବେଠାରୁ ୩୪୧ କିଲୋମିଟର ଦୂର ପୂର୍ବ-ଦକ୍ଷିଣପୂର୍ବ ଅଞ୍ଚଳ ଭୂକମ୍ପର କେନ୍ଦ୍ରସ୍ଥଳ ବୋଲି ଜଣାପଡ଼ିଛି। ଏହାର ତୀବ୍ରତା ରିକ୍ଟର ସ୍କେଲରେ ୬.୮ ରହିଥିବା ଜଣାପଡ଼ିଛି। ସକାଳ ୭ଟାରେ ଏହି ଭୂକମ୍ପ ଝଟ୍କା ଲାଗିଥିଲା। ତେବେ ଭୂକମ୍ପ ଯୋଗୁ କୌଣସି ସ୍ଥାନରେ କିଛି କ୍ଷୟକ୍ଷତି ହୋଇଥିବା ନେଇ ସୂଚନା ମିଳିନାହିଁ।
Related Posts
ସୂଚନା ଅନୁସାରେ, ଜାମ୍ମୁ-କାଶ୍ମୀରରେ ଝଟ୍କା ଲାଗିବା ପରେ ଭୟରେ ଲୋକମାନେ ଘରୁ ବାହାରକୁ ଚାଲିଆସିଥିଲେ। ଗତ କିଛିଦିନ ହେଲାଣି ଜାମ୍ମୁ-କାଶ୍ମୀରରେ ଲଗାତାର ଭୂକମ୍ପ ଝଟ୍କା ଅନୁଭୂତ ହେଉଛି। ଗତ ସୋମବାର ଭୋର୍ ୪ଟା ୩୬ରେ ଝଟ୍କା ଲାଗିଥିଲା। ରିକ୍ଟର ସ୍କେଲରେ ଏହାର ତୀବ୍ରତା ୩.୨ ରହିଥିଲା। ଏହା ପୂର୍ବରୁ ଗତ ୯ ତାରିଖରେ ଏଠାରେ ଭୂକମ୍ପ ଝଟ୍କା ଅନୁଭୂତ ହୋଇଥିଲା।
Comments are closed.