ମହାରାଷ୍ଟ୍ରରେ ୪.୮ ତୀବ୍ରତାର ଭୂମିକମ୍ପ ଅନୁଭୂତ

ସତାରା : ମହାରାଷ୍ଟ୍ରର ସତାରା ଜିଲାରେ ଗୁରୁବାର ସକାଳେ ୪.୮ ତୀବ୍ରତାର ଭୂମିକମ୍ପ ଅନୁଭୂତ ହୋଇଛି। ଏଥିରେ କାହାର ମୃତାହତ ଓ କ୍ଷତିର ଖବର ମିଳିନାହିଁ ବୋଲି ଜିଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି।
ଭୂମିକମ୍ପ ଅନୁଭୂତ ହେବା ମାତ୍ରେ ଲୋକେ ଘରଦ୍ୱାର ଛାଡ଼ି ବାହାରକୁ ଚାଲିଯାଇଥିଲେ। ପ୍ରାୟ ଘଣ୍ଟାଏ ମଧ୍ୟରେ ୨ ଥର ଭୂମିକମ୍ପ ଝଟକା ଅନୁଭୂତ ହୋଇଥିଲା। ପ୍ରଥମ ଭୂିମିକମ୍ପ ଝଟକା ସକାଳ ୭ଟା ୪୭ରେ ଓ ଦ୍ୱିତୀୟ ଭୂମିକମ୍ପ ଝଟକା ୮ଟା ୨୭ରେ ଅନୁଭୂତ ହୋଇଥିଲା। ଭାରତୀୟ ପାଣିପାଗ ବିଭାଗ (ଆଇଏମଡି) ପକ୍ଷରୁ ମିଳିଥିବା ସୂଚନା ଅନୁସାରେ ମୃଦୁ ଭୂମିକମ୍ପ ଯୋଗୁଁ ବିଶେଷ କ୍ଷୟକ୍ଷତି ଘଟିନାହିଁ। ରିଆକ୍ଟର ସ୍କେଲରେ ଭୂମିକମ୍ପର ତୀବ୍ରତା ୪.୮ ରେକର୍ଡ କରାଯାଇଛି । ଦୁଇ ଭୂମିକମ୍ପର କେନ୍ଦ୍ରସ୍ଥଳ ଭୂଗର୍ଭର ୧୦ କିମି ଓ ୫ କିମି ତଳେ ଥିବା ଚିହ୍ନଟ ହୋଇଛି। ଲୋକଙ୍କୁ ଭୟଭୀତ ନହେବା ପାଇଁ କୁହାଯାଇଛି।

Comments
Loading...