ଦିଲ୍ଲୀରେ ଭୂମିକମ୍ପ ଅନୁଭୂତ
ନୂଆଦିଲ୍ଲୀ ..- ଦିଲ୍ଲୀ ଓ ଏହାର ଆଖପାଖ ଅଞ୍ଚଳରେ ଭୂମିକମ୍ପ ଅନୁଭୂତ ହୋଇଛି । ୬.୪ ତୀବ୍ରତାର ଭୂମିକମ୍ପ ଯୋଗୁଁ ସମଗ୍ର ଅଫଗାନିସ୍ଥାନ ଓ ପାକିସ୍ତାନ ଥରି ଉଠିଛି । ଶନିବାର ସନ୍ଧ୍ୟା ସମୟରେ ଉତ୍ତର ଭାରତର ଅଧିକାଂଶ ଅଞ୍ଚଳରେ ଭମୂକମ୍ପର ଝଟକା ଅନୁଭୂତ ହୋଇଛି ।
ଏହି ଭୂମିକମ୍ପର କେନ୍ଦ୍ର ହିନ୍ଦୁକୁଶ ପର୍ବତ ଶ୍ରେଣୀରେ ରହିଛି ବୋଲି ଭାରତୀୟ ପାଣିପାଗ କେନ୍ଦ୍ର ସୂଚନା ଦେଇଛି । ଆଫଗାନୀସ୍ତାନ ଓ ପାକିସ୍ତାନ ସୀମାରେ ଏହି ପର୍ବତ ରହିଛି ।
ଇଣ୍ଡୋନେସିଆରେ ୬.୧ ତୀବ୍ରତାର ଭୂମିକମ୍ପ ଅନୁଭୂତ ହୋଇଥିବା ଆମେରିକାର ଭୂତତ୍ୱ ସର୍ବେକ୍ଷଣ ସଂସ୍ଥା ପ୍ରକାଶ କରିଛି ।
ରିପୋର୍ଟ ଲେଖା ହେବା ପର୍ଯ୍ୟନ୍ତ ଭୂମିକମ୍ପ ଯୋଗୁଁ କୌଣସି କ୍ଷୟକ୍ଷତି ହୋଇଥିବାର ସୂଚନା ଆସିନାହିଁ ।/