ଆଜି ମଣ୍ଡପରେ ମା’ ଦୁର୍ଗାଙ୍କୁ ଆବାହନ

0

କଟକ : ଦଶହରା ପାଇଁ ଚଳଚଞ୍ଚଳ ହୋଇ ଉଠିଛି ଗାଁ ଓ ସହର। ଜଗତଜନନୀ ମା’ଙ୍କ ଆବାହନ ପାଇଁ ସବୁଠି ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ପୂଜାମଣ୍ଡପ ଓ ତୋରଣରେ ସହର ବଜାର ଝଲସୁଛି । କଟକରେ ମା’ଙ୍କ ପୂଜା ପାଇଁ ବ୍ୟାପକ ପ୍ରସ୍ତୁତି ହୋଇଛି । ସୋମବାର ମଣ୍ଡପରେ ଦେବୀଙ୍କ ଷଷ୍ଠୀ ପୂଜା କରାଯାଉ ଥିବା ବେଳେ ପୀଠରେ ସପ୍ତମୀ ପୂଜା କରାଯାଉଛି। ଆସନ୍ତାକାଲି ମଣ୍ଡପରେ ମାଆଙ୍କର ସପ୍ତମୀ ପୂଜା ଅନୁଷ୍ଠିତ ହେବ । ପୂଜା ମଣ୍ଡପଗୁଡିକରେ ମା’ଙ୍କୁ ବିଭିନ୍ନ ଅଳଙ୍କାରରେ ଆଭୂଷିତ କରାଯାଉଛି । ଗତକାଲି ମା’ ଗଡ଼ଚଣ୍ଡୀ ନାରାୟଣୀ ବେଶରେ ଓ କଟକ ଚଣ୍ଡୀ ଗାୟତ୍ରୀ ବେଶରେ ଭକ୍ତଙ୍କୁ ଦର୍ଶନ ଦେଇଥିଲେ ।

ସେହିପରି ମା’ଙ୍କ ପୂଜା ପାଇଁ ସମ୍ବଲପୁର ସହର ମଧ୍ୟ ଉତ୍ସବମୁଖର ହୋଇ ଉଠିଛି । ଏବର୍ଷ କାଲିବାରି ପୂଜା କମିଟି ପାଳନ କରୁଛି ଶତବାର୍ଷିକୀ । ଏଠାରେ ସମ୍ପୂର୍ଣ୍ଣ ବଙ୍ଗୀୟ ରୀତିନୀତିରେ ମାଆଙ୍କ ପୂଜା ହୋଇଥାଏ । ସିନ୍ଦୂର ଖେଳ ଏହି ମଣ୍ଡପର ମୁଖ୍ୟ ଆକର୍ଷଣ । ସେହିପରି ସମ୍ବଲପୁରର ସାକ୍ଷୀପଡ଼ା, ଅଇଁଠାପାଲିରେ ମଧ୍ୟ ମଣ୍ଡପ ଗୁଡିକରେ ବ୍ୟାପକ ପ୍ରସ୍ତୁତି କରାଯାଇଛି।

ପୁରୀରେ ମଧ୍ୟ ମା’ଙ୍କ ପୂଜା ପାଇଁ ବ୍ୟାପକ ପ୍ରସ୍ତୁତି ଶେଷ ହୋଇଛି। ଶ୍ରୀମନ୍ଦିରରେ ମା’ ବିମଳା ଏବଂ ଶ୍ରୀମନ୍ଦିର ଚତୁଃପାର୍ଶ୍ୱରେ ଥିବା ବିଭିନ୍ନ ଦେବୀଙ୍କର ଆଜି ସପ୍ତମୀ ପୂଜା କରାଯାଇଛି । ଆସନ୍ତାକାଲି ଠାରୁ ତ୍ରିଦିନାତ୍ମକ ପୂଜା କରାଯିବା ପରେ ଶ୍ରୀକ୍ଷେତ୍ରରେ ଦଶହରା ବା ଗୋଷାଣୀ ଯାତ୍ରା ଧୂମଧାମରେ ପାଳିତ ହେବ ।

Comments
Loading...