ବାର୍ଷିକ ଜିଏସ୍ଟି ରିଟର୍ଣ୍ଣ ଦାଖଲର ସମୟସୀମାକୁ ବୃଦ୍ଧି କରାଯାଇଛି। ୨୦୧୮-୧୯ ଆର୍ଥିକ ବର୍ଷ ପାଇଁ ଜିଏସଟିଆର -୯ ଓ ଜିଏସଟିଆର -୯ଏ ଏବଂ ଜିଏସଟିଆର -୯ସିରେ ପୁନଃସମନ୍ଵୟ ତଥ୍ୟଭିତ୍ତିକ ଫର୍ମ ଦାଖଲ ପାଇଁ ସମୟସୀମାକୁ ଅକ୍ଟୋବର ୩୧ ତାରିଖରୁ ଡିସେମ୍ବର ୩୧ ତାରିଖକୁ ସମ୍ପ୍ରସାରଣ କରାଯାଇଛି। ୨୦୧୮- ୧୯ ଆର୍ଥିକ ବର୍ଷ ପାଇଁ ଦୁଇ କୋଟିରୁ କମ୍ ଟଙ୍କାର ହାରାହାରି କାରବାର କରୁଥିବା ଟିକସଦାତାମାନଙ୍କ ପାଇଁ ବାର୍ଷିକ ରିଟର୍ଣ୍ଣ ଦାଖଲକୁ ଇଚ୍ଛାଧୀନ ରଖାଯାଇଛି।
୨୦୧୮-୧୯ ଆର୍ଥିକ ବର୍ଷ ପାଇଁ ହାରାହାରି ୫ କୋଟି ଟଙ୍କା ପର୍ଯ୍ୟନ୍ତ କାରବାର କରୁଥିବା ଟିକସଦାତାମାନଙ୍କ ପାଇଁ ଜିଏସଟିଆର -୯ସିରେ ପୁନଃସମନ୍ଵୟ ତଥ୍ୟଭିତ୍ତିକ ଫର୍ମ ଦାଖଲ କରିବାକୁ ମଧ୍ୟ ଇଚ୍ଛାଧୀନ ରଖାଯାଇଛି। ବାର୍ଷିକ ରିଟର୍ଣ୍ଣ ଦାଖଲ ଓ ପୁନଃସମନ୍ଵୟ ତଥ୍ୟଭିତ୍ତିକ ଫର୍ମ ଦାଖଲର ସମୟସୀମାକୁ ସମ୍ପ୍ରସାରଣ କରିବା ପାଇଁ ସରକାରଙ୍କୁ ବିଭିନ୍ନ କ୍ଷେତ୍ରରୁ ନିବେଦନ କରାଯାଇଥିଲା। କୋଭିଡ-୧୯ ଲକ୍ଡାଉନ୍ ପାଇଁ ବ୍ୟବସାୟୀମାନଙ୍କର କାରବାର ବନ୍ଦ ରହିବା ଓ ସ୍ୱଭାବିକ ଭାବେ ନ ଚାଲିବା ଯୋଗୁଁ ସେମାନଙ୍କ ପକ୍ଷରୁ ସରକାରଙ୍କୁ ଏଭଳି ନିବେଦନ କରାଯାଇଥିଲା।
Comments are closed.