ବିଯୁକ୍ତ ୫୦ ଡିଗ୍ରୀ ସେଲସିୟସରେ ସୁରକ୍ଷା ଦେଉଥିବା ପୋଷାକର ଜ୍ଞାନକୌଶଳ ହସ୍ତାନ୍ତର କଲା ଡ଼ିଆରଡ଼ିଓ

ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ, ଡିଆରଡିଓ ମଙ୍ଗଳବାର ଦିନ ପାଞ୍ଚଟି ଭାରତୀୟ କମ୍ପାନୀକୁ ବିଯୁକ୍ତ ୫୦ ଡିଗ୍ରୀ ସେଲସିୟସରୁ ବଞ୍ଚିବା ପାଇଁ ଜ୍ଞାନକୌଶଳ ହସ୍ତାନ୍ତର କରିଛି। ଏହି ତ୍ରି-ସ୍ତରୀୟ ଅତ୍ୟଧିକ ଥଣ୍ଡା ପୋଷାକ ବ୍ୟବସ୍ତା ଯୁକ୍ତ ୧୫ ଡିଗ୍ରୀରୁ ବିଯୁକ୍ତ ୫୦ ଡିଗ୍ରୀ ସେଲସିୟସ୍ ତାପମାତ୍ରା ମଧ୍ୟରେ ଥର୍ମାଲ୍ ଇନସୁଲେସନ୍ (ଦେହକୁ ଉଷୁମ ରଖିବା) ଯୋଗାଇବା ପାଇଁ ଡିଜାଇନ୍ କରାଯାଇଛି।

ବରଫାବୃତ୍ତ ଅଂଚଳ ଏବଂ ହିମାଳୟ ଶିଖରରେ ନିରନ୍ତର କାର୍ଯ୍ୟ ପାଇଁ ଭାରତୀୟ ସେନା ଏହି ପୋଷାକ ଆବଶ୍ୟକ କରୁଥିଲା। ଏ ପର୍ଯ୍ୟନ୍ତ ଭାରତୀୟ ସେନା ଏହି ଭଳି ସ୍ୱତନ୍ତ୍ର ପୋଷାକ ଏବଂ ପର୍ବତାରୋହଣ ଉପକରଣ ସାମଗ୍ରୀ ଆମଦାନୀ କରିଆସୁଛି। ଡିଆରଡିଓ ପ୍ରସ୍ତୁତ କରିଥିବା ଏହି ପୋଷାକ ହେଉଛି ଏର୍ଗୋନୋମିକ୍ ଡିଜାଇନ୍ ହୋଇଥିବା ଏକ ମଡ୍ୟୁଲାର୍ ବୈଷୟିକ ଉପଯୋଗୀ ସମ୍ପନ୍ନ ପୋଷାକ। ଏହା ଉନ୍ନତ ତାପ ସୃଷ୍ଟିକାରୀ ଏବଂ ହିମାଳୟ ଅଞ୍ଚଳରେ ଶାରୀରିକ ଆରାମ ଯୋଗାଇ ପାରିବ।

ଏହି ଅବସରରେ ଡିଆରଡିଏ ଅଧ୍ୟକ୍ଷ ଡଃ ଜି ସତୀଶ ରେଡ୍ଡୀ ସ୍ୱତନ୍ତ୍ର ପୋଷାକ ଏବଂ ପର୍ବତାରୋହଣ ଉପକରଣ ସାମଗ୍ରୀ ପାଇଁ ସ୍ୱଦେଶୀ ଶିଳ୍ପ ଭିତ୍ତିଭୂମି ବିକାଶର ଆବଶ୍ୟକତା ଉପରେ ଗୁରୁତ୍ୱାରୋପ କରିଛନ୍ତି। କେବଳ ସେନାର ଆବଶ୍ୟକତାକୁ ପୂରଣ କରିବା ପାଇଁ ନୁହେଁ ବରଂ ଆଗାମୀ ଦିନରେ ଏଭଳି ଦ୍ରବ୍ୟର ରପ୍ତାନି ସମ୍ଭାବନା ବିଷୟ ମଧ୍ୟ ସେ କହିଛନ୍ତି। ଏହି ପୋଷାକ ବ୍ୟବହାର ଦ୍ୱାରା ଶ୍ୱାସକ୍ରିୟା ସଂଚାଳନ, ଉତ୍ତାପ ଏବଂ ଜଳ କ୍ଷୟ ଏବଂ ଶୀଘ୍ର ଜଳ ଅବଶୋଷଣ ସହିତ ପର୍ଯ୍ୟାପ୍ତ ନିଶ୍ୱାସ ପ୍ରଶ୍ୱାସ ସହିତ ଦେହର ତାପମାତ୍ରା ନିୟନ୍ତ୍ରଣ କରିଥାଏ।

Comments are closed.