ଡଃ. ଏପିଜେ ଅବଦୁଲ କଲାମଙ୍କ ୮୮ତମ ଜନ୍ମଜୟନ୍ତୀ ଉପଲକ୍ଷେ ପ୍ରତିମୂର୍ତ୍ତି ଉନ୍ମୋଚନ

କଟକ: ପୂର୍ବତନ ରାଷ୍ଟ୍ରପତି ଡଃ. ଏପିଜେ ଅବଦୁଲ କଲାମଙ୍କ ୮୮ତମ ଜନ୍ମ ଜୟନ୍ତୀ ଅବସରରେ କଟକ ମାନସିଂପାଟଣା ମୁନସିପାଲ ହାଇସ୍କୁଲଠାରେ ଡ଼ଃ କଲାମଙ୍କ ପ୍ରତିମୂର୍ତ୍ତି ଉନ୍ମୋଚିତ ହୋଇଛି। ଫାଇଟ୍‍ ଫର ଦି ଫାଉଣ୍ଡର ଅଫ ରେଭେନ୍ସା ଇନଷ୍ଟିଚ୍ୟୁସନ୍‍ ଟ୍ରଷ୍ଟ୍‍ ଓ ଜାଗୃତ ଓଡ଼ିଶା ଟ୍ରଷ୍ଟ୍‍ ପକ୍ଷରୁ ମଙ୍ଗଳବାର ପୂର୍ବାହ୍ନରେ ବାରବାଟୀ – କଟକ ବିଧାୟକ ଇଂ ମହମ୍ମଦ ମୋକିମ ଡ଼ଃ କଲାମଙ୍କ ପ୍ରତିମୂର୍ତ୍ତି ଉନ୍ମୋଚନ କରି ଏହି ପୁରାତନ ବିଦ୍ୟାଳୟକୁ ଏକ ଆଦର୍ଶ ବିଦ୍ୟାଳୟରେ ପରିଣତ କରିବାକୁ ସମସ୍ତ ପ୍ରକାରର ସାହାଯ୍ୟ ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି।

ପ୍ରକାଶ କୁମାର ପଣ୍ଡାଙ୍କ ସଭାପତିତ୍ୱରେ ଅନୁଷ୍ଠିତ ଉତ୍ସବରେ ମୁଖ୍ୟ ଅତିଥି ଭାବେ ରେଭେନ୍ସା ବିଶ୍ୱବିଦ୍ୟାଳୟର କୁଳସଚିବ ଅଶୋକ କୁମାର ଦାଶ ଯୋଗଦେଇ ଛାତ୍ରଛାତ୍ରୀଙ୍କୁ ସାମ୍ପ୍ରତିକ ପରିସ୍ଥିତିରେ ନିଜର ଆଗ୍ରହ ଅନୁଯାୟୀ ବୃତ୍ତି ଚୟନକୁ ପ୍ରାଧାନ୍ୟ ଦେବାକୁ ପରାମର୍ଶ ଦେଇଥିଲେ। ବିଶିଷ୍ଟ ବୈଜ୍ଞାନିକ ତଥା ସମାଜର ପ୍ରାକ୍ତନ ସମ୍ପାଦକ ଡ. ପ୍ରମୋଦ କୁମାର ମହାପାତ୍ର ମୁଖ୍ୟବକ୍ତା ଭାବେ ଯୋଗଦେଇ ଡ. କଲାମଙ୍କ ସରଳ ଜୀବନଯାପନ ଓ ଅସାଧାରଣ କୃତିତ୍ୱ ସଂପର୍କରେ ଆଲୋକପାତ କରିଥିଲେ। ପ୍ରତିବର୍ଷ ପରି ଏବର୍ଷ ମଧ୍ୟ ଡ଼ଃ କଲାମଙ୍କ ସ୍ମୃତିରେ ‘ଯୁବ ନେତୃତ୍ୱ ପକ୍ଷ’ ଉଦ୍‍ଘାଟିତ ହୋଇଛି।

 

 

 

Comments
Loading...