ଡବଲ ମର୍ଡର ଘଟଣା : ଅଭିଯୁକ୍ତଙ୍କ ଗିରଫ ଦାବିରେ କଂଗ୍ରେସର ବନ୍ଦ ପାଳନ

ବାଙ୍କୀ: ଖଜୁରିପଦା ଡବଲ ମର୍ଡର ଘଟଣାରେ ସମ୍ପୃକ୍ତ ଅଭିଯୁକ୍ତଙ୍କ ଗିରଫ ଦାବିରେ କଂଗ୍ରେସ ପକ୍ଷରୁ ଶନିବାର ବାଙ୍କୀ ନିର୍ବାଚନ ମଣ୍ଡଳୀରେ ବନ୍ଦ ଡାକରା ଦିଆଯାଇଛି। ସ୍ଥାନୀୟ କଂଗ୍ରେସ ଦଳ ବିଧାୟକ ଦେବାଶିଷ ପଟ୍ଟାନାୟକଙ୍କ ନେତୃତରେ ୧୨ ଘଣ୍ଟିଆ ବନ୍ଦ ପାଳନ ହୋଇଛି। ବାଙ୍କୀ-ବାରଙ୍ଗ-ତ୍ରିଶୁଳିଆରୁ ଆରମ୍ଭ କରି ଜାତମୁଣ୍ଡିଆ-ନରସିଂହପୁର-ଅନୁଗୁଳ ରାସ୍ତା ପର୍ଯ୍ୟନ୍ତ ଏହି ବନ୍ଦ ପାଳନର ପ୍ରଭାବ ଦେଖିବାକୁ ମିଳିଛି।  କଂଗ୍ରେସ କର୍ମୀମାନେ ବାଙ୍କୀର ବିଭିନ୍ନ ସ୍ଥାନରେ ଟାୟାର ଜାଳି ରାସ୍ତା ଅବରୋଧ କରିଛନ୍ତି। ଏହାର ପ୍ରଭାବରେ ସ୍କୁଲ, କଲେଜ ଓ ଦୋକାନ ବଜାର ବନ୍ଦ ରହିଛି। ଫଳରେ ଗାଡି ଚଳାଚଳ ଏକ ରକରମର ଠପ୍ ହୋଇଯାଇଛି। ସୁରକ୍ଷା ଦୃଷ୍ଟିରୁ ବ୍ୟାପକ ପୁଲିସ ଫୋର୍ସ ମୁତୟନ କରାଯାଇଛି। ଏପର୍ଯ୍ୟନ୍ତ କୌଣସି ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିବା ଜଣାପଡିନାହିଁ।

ସୂଚନାଯୋଗ୍ୟ, ଗତ ୧୫ ତାରିଖ ଅପରାହ୍ନରେ ବାଙ୍କୀ ନୂଆଗାଁ ସରପଞ୍ଚଙ୍କ ସ୍ୱାମୀ ଭଗବାନ ସ୍ବାଇଁ ଓ ଜଣେ ସାମ୍ବାଦିକ ଆଦିତ୍ୟ ରଣସିଂଙ୍କୁ ଯୋକଲାଂଜି ଠାରେ ଦୁର୍ବୃତ୍ତମାନେ ଗୋଡ଼ାଇ ଗୋଡ଼ାଇ ହତ୍ୟା କରିଥିଲେ। ଏହି ଘଟଣାକୁ ଦୁଇ ସପ୍ତାହ ପୁରି ଯାଇଥିଲେ ମଧ୍ୟ ଏପର୍ଯ୍ୟନ୍ତ ପୁଲିସ କୌଣସି ଅଭିଯୁକ୍ତକୁ ଗିରଫ କରିନାହିଁ। ଏହାର ପ୍ରତିବାଦରେ କଂଗ୍ରେସ ବନ୍ଦ ପାଳନ କରିଛି।

Comments are closed.