ଭୁଲରେ ମଧ୍ୟ ଖାଇବା ପରେ କରନ୍ତୁ ନାହିଁ ଏହି ସବୁ କାମ : ଦେଖାଦେବ ନାନାଦି ସମସ୍ୟା

0

ସାଧାରଣତଃ ଥରେ ପେଟଭରି ଖାଇବା ପରେ ତା’ପରେ ଯେତେ ସୁସ୍ୱାଦୁ ଖାଦ୍ୟ ହେଲେ ମଧ୍ୟ ଆଉ ଖାଇବାକୁ ଇଚ୍ଛା ହୁଏନାହିଁ। ତେବେ କିଛି ଲୋକ ଥାଆନ୍ତି ଯେଉଁମାନେ ଥରେ ପେଟପୁରା ଖାଇସାରି ପୁଣି କିଛି ଖାଇ ଦିଅନ୍ତି ବା ପିଇ ଦିଅନ୍ତି। ହେଲେ ଏପରି କିଛି ଖାଦ୍ୟ ଓ ପାନୀୟ ଅଛି ଯାହାକୁ ଖାଇ ସାରିବା ପରେ ଖାଇବା ବା ପିଇବା ସ୍ୱାସ୍ଥ୍ୟ ପାଇଁ ଖୁବ୍‍ କ୍ଷତିକାରକ ସାବ୍ୟସ୍ତ ହୋଇଥାଏ। ଏଥିସହିତ ଏପରି କିଛି କାମ ଅଛି ଯାହା ଖାଇ ସାରିବା ପରେ କରିବା ବର୍ଜନୀୟ।

– ଖାଇ ସାରିବା ପରେ ସଙ୍ଗେ ସଙ୍ଗେ ଚା’ ପିଇବା ଅନୁଚିତ୍‍। ଏହାଦ୍ୱାରା ରକ୍ତଚାପ, ମଧୁମେହ ଆଦି ରୋଗ ହେବାର ସମ୍ଭାବନା ଅଧିକ ଥାଏ। ତେବେ ସକାଳ ଜଳଖିଆ ବା ସନ୍ଧ୍ୟା ଜଳଖିଆ ପରେ ଚା’ ପିଇ ପାରିବେ।

– ଖାଲି ପେଟରେ ଫଳ ଖାଇବା ଦ୍ୱାରା ଗ୍ୟାସ୍ଟ୍ରିକ୍‍ ହୋଇଥାଏ ବୋଲି ଡାକ୍ତରମାନେ କହିଥା’ନ୍ତି। ତା’ମାନେ ନୁହେଁ ଯେ ଖାଇସାରିବା ସଙ୍ଗେ ସଙ୍ଗେ ଫଳ ଖାଇବେ। ଏହା ଶରୀର ପାଇଁ କ୍ଷତିକାରକ। ଅତିକମ୍‍ରେ ଖାଇବାର ୨୦ ମିନିଟ୍ ପରେ ଫଳ ଖାଆନ୍ତୁ।
– କେବଳ ଖାଇବା ନୁହେଁ ଗାଧୋଇବା ନେଇ ମଧ୍ୟ କଟକଣା ରହିଛି। ସବୁବେଳେ ଗାଧୋଇସାରି ଖାଇବା ଅଭ୍ୟାସ କରନ୍ତୁ। ଖାଇସାରି ଗାଧୋଇବା ସ୍ୱାସ୍ଥ୍ୟ ପ୍ରତି ଖୁବ୍‍ ଅହିତକର।

– ଖାଇସାରି ସଙ୍ଗେ ସଙ୍ଗେ ନଶୋଇବା ପାଇଁ ମଧ୍ୟ ବାରଣ କରାଯାଇଛି। ଖାଇବାର ଅତିକମରେ ୧୫ ମିନିଟ୍ ପରେ ବିଛଣାକୁ ଯାଆନ୍ତୁ।
– ଖାଇସାରିବା ପରେ କୌଣସି ପ୍ରକାର ଶାରୀରିକ ବ୍ୟାୟାମ କରନ୍ତୁ ନାହିଁ। ବେଲ୍ଟକୁ ଭିଡ଼କରି ବାନ୍ଧିବା, ଖାଇବା ପରେ ଧୂମପାନ କରିବା ମଧ୍ୟ ଖରାପ ହୋଇଥାଏ।

Leave A Reply