ଶିଶୁ ବିକାଶ ପାଣ୍ଠିକୁ ସମାଜସେବୀ ତଥା ସାମ୍ବାଦିକଙ୍କ ଅର୍ଥ ଦାନ

ବେଗୁନିଆ: ବେଗୁନିଆ ବ୍ଲକର ନୂତନ ପେନସନଭୁକ୍ତ ଶିକ୍ଷକ ସଂଘ ପକ୍ଷରୁ ଗଠିତ ହୋଇଥିବା ଶିଶୁ ବିକାଶ ପାଣ୍ଠିକୁ ସମାଜସେବୀ ତଥା ସାମ୍ବାଦିକ ଯୋଗେଶ୍ୱର ପଣ୍ଡା ଏକ ହଜାର ଟଙ୍କା ପ୍ରଦାନ କରିଛନ୍ତି । ଏହି ପାଣ୍ଠି ଅବହେଳିତ ଶିଶୁ, ଗରିବ ଛାତ୍ରଛାତ୍ରୀମାନଙ୍କୁ ମାଗଣାରେ ପାଠ୍ୟପୁସ୍ତକ ଯୋଗାଇ ଦେବା ସହ ପାଠପଢ଼ାରେ ଯେଭଳି ପ୍ରତିବନ୍ଧକ ସୃଷ୍ଟି ନହୁଏ ସେଥିପ୍ରତି ଯଥେଷ୍ଟ ଯତ୍ନବାନ ରହିଛି । ଆଜିର ଏହି କାର୍ୟ୍ୟକ୍ରମରେ ଅନୁଷ୍ଠାନର ସମ୍ପାଦକ ରବୀନ୍ଦ୍ର ନାଥ ସାହୁ, ପୂର୍ବତନ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ବେଣୁଧର ପଣ୍ଡା, ସାମ୍ବାଦିକ ବିବେକାନନ୍ଦ ମିଶ୍ରଙ୍କ ଉପସ୍ଥିତିରେ ସମ୍ପୃକ୍ତ ଅର୍ଥରାଶି ପ୍ରଦାନ କରାଯାଇଛି। ତାଙ୍କର ଏହି ମହତ କାର୍ୟ୍ୟ ପାଇଁ ସଂଘ ତରଫରୁ ସମ୍ପାଦକ ଶ୍ରୀ ସାହୁଙ୍କ ସହିତ ଅନ୍ୟ କର୍ମକର୍ତ୍ତାମାନେ ତାଙ୍କୁ କୃତଜ୍ଞତା ଜଣାଇଛନ୍ତି ।

 

Comments
Loading...