ଟ୍ରମ୍ପଙ୍କ ‘ରୋଡ୍ ସୋ’ ରେ ସାମିଲ ହେବାକୁ ହେଲେ ଦେଖାଇବାକୁ ପଡିବ ଆଧାରକାର୍ଡ

ଅହମ୍ମଦାବାଦ ପୁଲିସ କମିଶନର ଜାରି କଲେ ନିର୍ଦେଶ

ଗୁଜୁରାତ: ୨୪ ଫେବୃଆରୀରୁ ଦୁଇ ଦିନିଆ ଭାରତ ଗସ୍ତରେ ଆସୁଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ଗତ ସେପ୍ଟେମ୍ବରରେ ହଷ୍ଟନରେ ହୋଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପାଇଁ ଆୟାଜିତ ‘ହାୱଡି ମୋଦୀ’ ପରି ଫେବୃଆରୀ ୨୪ରୁ ଅହମ୍ମଦାବାଦ ଠାରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ‘ ନମସ୍ତେ ଟ୍ରମ୍ପ’ କାର୍ୟ୍ୟକ୍ରମ ଆୟୋଜନ ହେବ। ଟ୍ରମ୍ପଙ୍କ ଗସ୍ତ ପୂର୍ବରୁ ସଜେଇ ହୋଇ ଗଲାଣି ଅହମ୍ମଦାବାଦ। ‘ ନମସ୍ତେ ଟ୍ରମ୍ପ’ କାର୍ୟ୍ୟକ୍ରମ ପୂର୍ବରୁ ଅହମ୍ମଦାବାଦ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ‘ରୋଡ୍ ସୋ’ରେ ସାମିଲ ହେବେ। ଏହି ‘ରୋଡ୍ ସୋ’ରେ ସାମିଲ ହେବାକୁ ହେଲେ ଆଧାର କାର୍ଡ ଦେଖାଇବାକୁ ପଡିବ। ଏନେଇ ଅହମ୍ମଦାବାଦ ପୁଲିସ କମିଶନରଙ୍କ ପକ୍ଷରୁ ନିର୍ଦେଶ ଜାରି କରାଯାଇଛି।

ମିଳିଥିବା ସୂଚନାଅନୁସାରେ ସୋମବାର ଅହମ୍ମଦାବାଦ ପୁଲିସ କମିଶନର ଆଶିଷ ଭାଟିଆ ନିର୍ଦେଶ ଦେଇ କହିଛନ୍ତି ଯେଉଁମାନେ ମୋଦୀ ଏବଂ ଟ୍ରମ୍ପଙ୍କ ‘ରୋଡ୍ ସୋ’ ରେ ଛିଡାହୋଇ ଦେଖିବାକୁ ଚାହୁଁଛନ୍ତି ସେମାନେ ସେମାନଙ୍କର ଆଧାର କାର୍ଡର ଏକ ନକଲ ଏବଂ ମୋବାଇଲ ନମ୍ବର ପୁଲିସ ଅଫିସରେ ଦାଖଲ କରିବାକୁ ପଡିବ। ଏହାପରେ ପୁଲିସ ସେମାନଙ୍କୁ ଏକ ଆଇକାର୍ଡ ପ୍ରଦାନ କରିବ। ଯାହାକୁ ପାଖରେ ରଖି ଲୋକ ‘ରୋଡ୍ ସୋ’ ରେ ଛିଡାହୋଇ ଦେଖିପାରିବେ। ପୁଲିସ କମିଶନରଙ୍କ କଡା ନିର୍ଦେଶ ବିନା ଆଇକାର୍ଡରେ କୌଣସି ଲୋକ ‘ରୋଡ୍ ସୋ’ ରେ ସାମିଲ ହୋଇ ପାରିବେ ନାହିଁ।