କେବଳ ଭାରତ ନୁହେଁ, ବରଂ ବିଶ୍ବର ପ୍ରମୁଖ ରାଷ୍ଟ୍ରରେ ଏବେ ଲକ୍-ଡାଉନ୍ ହୋଇ ଲୋକେ ଘରେ ରହିଛନ୍ତି। ଏପରି ସ୍ଥଳେ ମେକ୍ସିକୋର ଜଣେ ବ୍ୟକ୍ତିଙ୍କ ପ୍ରୟାସକୁ ନେଇ ଚର୍ଚ୍ଚା ଚାଲିଛି। ସେଠା ସରକାର ମଧ୍ୟ ଲକ୍-ଡାଉନ୍ ଘୋଷଣା କରିଥିବାବେଳେ ଲୋକେ ଘର ବାହାରକୁ ଯିବାକୁ ଆଦୌ ନିରାପଦ ମଣୁନାହାନ୍ତି। ଏଣ୍ଟୋନିୟୋ ମୁନିଜ୍ ନାମକ ମେକ୍ସିକୋ ବାସିନ୍ଦା ଗତ ୩ଦିନ ହେଲା ଘରୁ ବାହାରିପାରୁନଥିଲେ। ଅନ୍ୟପାଖେ ଅତ୍ୟାବଶ୍ୟକ ସାମଗ୍ରୀ ଶେଷ ହେବାରେ ଲାଗିଥିଲା। ଦୈନନ୍ଦିନ ଜୀବନ ଅତିବାହିତ କରିବେ ବା କିପରି? ଶେଷରେ ମୁନିଜ୍ ଏକ ଉପାୟ ପାଞ୍ଚିଲେ। ନିଜ ପୋଷା କୁକୁର ଚିହୁ ଆହୁଆକୁ ବାହାରକୁ ପଠାଇବାକୁ ଯୋଜନା କଲେ। ସାମଗ୍ରୀର ତାଲିିକା କରି କୁକୁର ବେକରେ ଲାଗିଥିବା ବେଲ୍ଟରେ ଖଞ୍ଜିବା ସହ ୪୦ ଡଲାର ମଧ୍ୟ ସେଥିରେ ଲଗାଇଦେଲେ। ଘର ପାଖରେ ଦୋକାନାଟି ଥିବାରୁ ମୁନିଜ୍୍ଙ୍କ କୁକୁର ମଧ୍ୟ ମାଲିକର ନିର୍ଦେଶ ଜାଣିପାରିଲା। କୁକୁର ଚିହୁ ଦୋକାନରେ ପହଞ୍ଚିବା ପରେ ଦୋକାନୀ ମଧ୍ୟ ସମସ୍ତ ସାମଗ୍ରୀ ‘ନିଜ ଡେଲିଭରୀ ବୟ ସହ ମୁନିଜ୍ଙ୍କ ଘରକୁ ଯଥା ସମୟରେ ପଠାଇଦେଇଥିଲା। କରୋନା ସମୟରେ ପ୍ରଥମଥର ଏକ କୁୁକୁର ସପିଂ କରିବା ଘଟଣା ବିଭିନ୍ନ ମହଲରେ ଚର୍ଚ୍ଚାର ପ୍ରସଙ୍ଗ ପାଲଟିଛି।
Comments are closed.