‘ଦିଶା’ ଅଭିଯୁକ୍ତଙ୍କ ବାପାଙ୍କୁ ଧକ୍କା ଦେଲା ପୁଲିସ ଗାଡ଼ି, ଅବସ୍ଥା ସଙ୍କଟାପନ୍ନ

ହାଇଦ୍ରାବାଦ: ହାଇଦ୍ରାବାଦ ‘ଦିଶା’ ଗଣବଳାତ୍କାର ଓ ହତ୍ୟା ମାମଲାରେ ଏନକାଉଣ୍ଟରର ଶିକାର ହୋଇଥିବା ଜଣେ ଅଭିଯୁକ୍ତଙ୍କ ବାପା ପୁଲିସ ଅଧିକାରୀଙ୍କ ଗାଡ଼ି ଧକ୍କାରେ ଗୁରୁତର ଆହତ ହୋଇଛନ୍ତି। ‘ଦିଶା’ ଅଭିଯୁକ୍ତମାନଙ୍କୁ ଏନକାଉଣ୍ଟର କରାଯିବାର ଠିକ୍‌ ୨୦ ଦିନ ପରେ ଗୁରୁବାର ବିଳମ୍ବିତ ରାତିରେ ଏହି ଘଟଣା ଘଟିଛି। କେଉଁ ପରିସ୍ଥିତିରେ ଏପରି ଘଟଣା ଘଟିଲା ସେନେଇ ଏହାର ତଦନ୍ତ ନିର୍ଦେଶ ଦିଆଯାଇଛି।

ଦୁର୍ଘଟଣାର ଶିକାର ହୋଇଥିବା ବ୍ୟକ୍ତିଙ୍କ ନାମ ହେଉଛି ଚିନ୍ନାକେଶବାଲୁ। ତେଲେଙ୍ଗାନାର ମହବୁନଗର ଜିଲା ଅନ୍ତର୍ଗତ ମଖତାଲ ଅଞ୍ଚଳରେ ହାଇଦ୍ରାବାଦ ପୁଲିସର ଜଣେ ଏସିପିଙ୍କ କାର୍‌ ତାଙ୍କୁ ଧକ୍କା ଦେଇଛି। ତାଙ୍କୁ ହାଇଦ୍ରାବାଦର ଏକ ହସ୍ପିଟାଲରେ ଭର୍ତ୍ତି କରାଯାଇଛି। ତାଙ୍କ ଅବସ୍ଥା ସଙ୍କଟାପନ୍ନ ରହିଥିବାବେଳେ ସେ ମୃତ୍ୟୁ ସହ ସଂଗ୍ରାମ କରୁଥିବା ଡାକ୍ତରଙ୍କଠାରୁ ସୂଚନା ମିଳିଛି।

Comments
Loading...