ଆନ୍ଦୋଳନରତ କୃଷକଙ୍କୁ ଶୀତ ପୋଷାକ ପାଇଁ ୧ କୋଟି ଦେଲେ ଦିଲଜିତ୍

ନୂଆଦିଲ୍ଲୀ : ଆନ୍ଦୋଳନ କରୁଥିବା କୃଷକଙ୍କୁ ସମର୍ଥନ କରିଛନ୍ତି କଣ୍ଠଶିଳ୍ପୀ-ଅଭିନେତା ଦିଲଜିତ୍ ଦୋସାଞ୍ଜ। ଦିଲ୍ଲୀରେ ଆନ୍ଦୋଳନ କରୁଥିବା କୃଷକଙ୍କୁ ଶୀତ ପୋଷାକ ଦେବା ପାଇଁ ୧କୋଟି ଟଙ୍କା ଦାନ କରି ଚର୍ଚ୍ଚାର ପରିସରକୁ ଆସିଛନ୍ତି ଦିଲଜିତ୍। ଟଙ୍କା ଦାନ ସମ୍ପର୍କରେ ଦୋସାଞ୍ଜ ପ୍ରଚାର କରି ନଥିବାବେଳେ ପଞ୍ଜାବର କଣ୍ଠଶିଳ୍ପୀ ସିଙ୍ଗା ଏ ନେଇ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିବା ପରେ ଖବରଟି ସାମ୍ନାକୁ ଆସିଛି। ଭିଡିଓ ସେୟାର କରି ସିଙ୍ଗା ଲେଖିଛନ୍ତି ଯେ, ଧନ୍ୟବାଦ ଭାଇ, ଆପଣ କୃଷକଙ୍କୁ ଶୀତ ପୋଷାକ ଦେବା ପାଇଁ ୧କୋଟି ଟଙ୍କା ଦେଇଛନ୍ତି ଏବଂ କେହି ଏ ବିଷୟରେ ଜାଣି ନାହିଁ। ଆପଣ ଏଭଳି ମହାନ କାମ କରି ମଧ୍ୟ କାହାକୁ ଜଣାଇ ନାହାନ୍ତି। ବକ୍ସର ବିଜୟନ୍ଦର ସିଂ କୃଷକଙ୍କୁ ସମର୍ଥନ ଜଣାଇବା ପୂର୍ବକ ରାଜୀବ ଗାନ୍ଧୀ ଖେଳ ରତ୍ନ ପୁରସ୍କାର ଫେରାଇ ଦେବାକୁ ଘୋଷଣା କରିଛନ୍ତି।

Comments are closed.