ବଢିଛି ଡିଜିଟାଲ କାରବାର ଓ ମର୍ଚ୍ଚାଣ୍ଟ ସହଭାଗୀ ବ୍ୟବସାୟ

୨୦୨୦-୨୧ ବର୍ଷରେ ରିଲାଏନ୍ସ ରିଟେଲର ରାଜସ୍ୱ ଆୟ ୧,୫୩,୮୧୮ କୋଟି ଟଙ୍କା

ନୂଆଦିଲ୍ଲୀ: କୋଭିଡ-୧୯ ମହାମାରୀ ସଂକ୍ରମଣ ଜନିତ ତାଲାବନ୍ଦ ସ୍ଥିତି ଦେଶରେ ଡିଜିଟାଲ କାରବାରରେ ଯଥେଷ୍ଟ ବୃଦ୍ଧି ଘଟାଇଛି। ଏଥିସହିତ ଏହା ବୃହତ କମ୍ପାନୀଗୁଡିକ କ୍ଷେତ୍ରରେ ସେମାନଙ୍କର ବ୍ୟବସାୟୀ ସହଭାଗୀ ବ୍ୟବସ୍ଥାରେ ମଧ୍ୟ ଯଥେଷ୍ଟ ସଂପ୍ରସାରଣ ଘଟାଇଛି। ସମ୍ପ୍ରତି କମ୍ପାନୀଗୁଡିକର ମୋଟ କାରବାରରେ ଡିଜିଟାଲ କାରବାର ଏକ ମୁଖ୍ୟ ସ୍ଥାନ ଅଧିକାର କରିବାରେ ଲାଗିଛି। ଦେଶର ସର୍ବବୃହତ ହାଇପର୍‍ଲୋକାଲ ପ୍ଲାଟଫର୍ମ ଜିଓ ମାର୍ଟ ପରିଚାଳନା କରୁଥିବା ରିଲାଏନ୍ସ ରିଟେଲ ୨୦୨୦-୨୧ ଆର୍ଥିକ ବର୍ଷରେ ତାହାର ମୋଟ ରାଜସ୍ୱର ୧୦% ଡିଜିଟାଲ କାରବାର ଏବଂ ମର୍ଚ୍ଚାଣ୍ଟ ସହଭାଗୀଙ୍କ ଜରିଆରେ ପାଇପାରିଛି। ଏହି ଆର୍ଥିକ ବର୍ଷରେ କମ୍ପାନୀର ମୋଟ ରାଜସ୍ୱ ଆୟ ୧,୫୩,୮୧୮ କୋଟି ଟଙ୍କା ହୋଇଥିବାବେଳେ ଟିକସ ପୂର୍ବବର୍ତ୍ତୀ ଲାଭ ୯୮୪୨ କୋଟି ଟଙ୍କା ହୋଇଛି। ଚଳିତ ବର୍ଷ ମାର୍ଚ୍ଚ ୩୧ ସୁଦ୍ଧା ରିଲାଏନ୍ସ ରିଟେଲ ମୋଟ ୧୨,୭୧୧ ଷ୍ଟୋର ପରିଚାଳନା କରୁଥିଲା, ଯାହା ମୋଟ ୩୩.୮ ନିୟୁତ ବର୍ଗଫୁଟ ପରିମିତ ଅଞ୍ଚଳରେ ପରିବ୍ୟାପ୍ତ ହୋଇଛି। ସେହି ଷ୍ଟୋରଗୁଡିକ ମଧ୍ୟରୁ ପ୍ରାୟ ଦୁଇ-ତୃତୀୟାଂଶ କ୍ଷୁଦ୍ର ସହରାଞ୍ଚଳରେ ଅବସ୍ଥିତ ହୋଇଥିବାବେଳେ ୨୦୨୦-୨୧ ଆର୍ଥିକ ବର୍ଷରେ ଖୋଲାଯାଇଥିôବା୧୪୫୬ ନୂଆ ଷ୍ଟୋରଗୁଡିକ ମଧ୍ୟରୁ ପ୍ରାୟ ଅର୍ଦ୍ଧେକ କ୍ଷୁଦ୍ର ସହରଗୁଡିକରେ ରହିଛି।

Comments
Loading...